Hosea 14:1-9
14 “Keer tog terug, o Israel, tot Jehovah jou God,+ want jy het in jou oortreding gestruikel.+
2 Neem woorde met julle saam en keer terug tot Jehovah.+ Sê vir hom, julle almal: ‘Mag u oortreding vergewe;+ en neem aan wat goed is, en dan sal ons die jong bulle van ons lippe aanbied.+
3 Assiʹrië sal ons nie red nie.+ Op perde sal ons nie ry nie.+ En ons sal nie meer vir die werk van ons hande sê: “O ons God!” nie, want deur u word ’n vaderlose seun barmhartigheid bewys.’+
4 “Ek sal hulle ontrouheid genees.+ Ek sal hulle uit vrye wil liefhê,+ omdat my toorn van hom gewyk het.+
5 Ek sal vir Israel soos die dou word.+ Hy sal bloei soos die lelie en sal sy wortels uitstoot soos die Liʹbanon.
6 Sy takkies sal uitloop, en sy waardigheid sal soos dié van die olyfboom word,+ en sy geur sal soos dié van die Liʹbanon wees.
7 Hulle sal weer in sy skaduwee woon.+ Hulle sal graan verbou en sal bot soos die wingerdstok.+ Sy gedagtenis sal soos die wyn van die Liʹbanon wees.
8 “Eʹfraim sal sê: ‘Wat het ek nog met die afgode te doen?’+
“Ek sal beslis antwoord en ek sal na hom bly kyk.+ Ek is soos ’n blaarryke jenewerboom.+ Van my sal vrugte vir jou gevind word.”
9 Wie is wys, sodat hy hierdie dinge kan verstaan?+ Verstandig, sodat hy dit kan weet?+ Want die weë van Jehovah is reg,+ en die regverdiges sal daarin wandel;+ maar die oortreders sal daarin struikel.+
