Hosea 7:1-16
7 “In die tyd dat ek vir Israel genesing bring,+ word die oortreding van Eʹfraim ook blootgelê+ en die slegte dinge van Samariʹa;+ want hulle het bedrog beoefen,+ en ’n dief kom in; buite val ’n rowerbende aan.+
2 En hulle sê nie vir hulle hart+ dat ek aan al hulle slegtheid sal dink nie.+ Nou het hulle handelinge hulle omring.+ Dit is voor my aangesig.+
3 Hulle maak die koning bly deur hulle slegtheid en vorste deur hulle bedrieërye.+
4 Hulle is almal egbrekers,+ soos ’n oond wat aangesteek word deur ’n bakker, wat ophou stook nadat hy die deeg geknie het totdat dit deursuur is.
5 Op die dag van ons koning het vorste hulle siek gemaak+—daar is woede weens wyn.+ Hy het sy hand saam met spotters uitgestrek.
6 Want hulle het hulle hart nader gebring soos na ’n oond;+ dit brand binne-in hulle.+ Die hele nag slaap hulle bakker; teen die oggend brand die oond soos met ’n vlammende vuur.+
7 Hulle almal word warm, soos die oond, en hulle verteer hulle regters. Al hulle konings het geval;+ niemand onder hulle roep tot my nie.+
8 “Wat Eʹfraim betref, hy self vermeng hom met die volke.+ Eʹfraim het ’n ronde koek geword wat nie omgekeer is nie.+
9 Vreemdelinge het sy krag verteer,+ en hy het dit nie te wete gekom nie.+ Ook het grys hare op hom wit geword, maar hy het dit nie te wete gekom nie.
10 En die trots van Israel het in sy gesig getuig,+ en hulle het nie tot Jehovah hulle God teruggekeer nie,+ en ook het hulle hom nie weens dit alles gesoek nie.+
11 En Eʹfraim is soos ’n eenvoudige duif+ sonder ’n verstandige hart.+ Na Egipte het hulle geroep;+ na Assiʹrië het hulle gegaan.+
12 “Waarheen hulle ook al gaan, ek sal my net oor hulle uitsprei.+ Soos voëls van die hemel sal ek hulle afbring.+ Ek sal hulle dissiplineer ooreenkomstig die berig aan hulle vergadering.+
13 Wee hulle,+ want hulle het van my af weggevlug!+ Laat hulle geplunder word, want hulle het teen my oortree! En ek het hulle verlos,+ maar hulle het leuens gespreek, ja, teen my.+
14 En hulle het nie met hulle hart+ tot my om hulp geroep nie, hoewel hulle op hulle beddens bly weeklaag het. Weens hulle graan en soet wyn het hulle bly leeglê;+ hulle het voortdurend teen my gedraai.+
15 En wat my betref, ek het dissipline toegepas;+ ek het hulle arms versterk,+ maar teen my het hulle kwaad bly beraam.+
16 En hulle het teruggekeer, nie tot iets hoërs nie;+ hulle het soos ’n slap boog geword.+ Deur die swaard sal hulle vorste val weens die veroordeling van hulle tong.+ Dit sal hulle bespotting in Egipteland wees.”+
