Jeremia 30:1-24
30 Die woord wat van Jehovah tot Jeremia gekom en gesê het:
2 “Só het Jehovah, die God van Israel, gesê: ‘Skryf vir jou in ’n boek al die woorde wat ek tot jou sal spreek.+
3 Want “kyk! daar kom dae”, is die woord van Jehovah, “en ek sal die gevangenes van my volk, Israel en Juda, versamel”,+ het Jehovah gesê, “en ek sal hulle terugbring na die land wat ek aan hulle voorvaders gegee het, en hulle sal dit beslis weer in besit neem.”’”+
4 En dit is die woorde wat Jehovah tot Israel en tot Juda gespreek het.
5 Want só het Jehovah gesê: “Ons het die geluid van bewing gehoor, angs,+ en daar is geen vrede nie.
6 VRA asseblief en kyk of ’n man geboorte gee. Waarom het ek elke man met sy hande op sy lendene gesien soos ’n vrou wat geboorte gee,+ en het alle gesigte bleek geword?+
7 Wee! Want dié dag is groot,+ sonder gelyke,+ en dit is die tyd van benoudheid vir Jakob.+ Maar hy sal daaruit gered word.”
8 “En in dié dag”, is die woord van Jehovah van die leërs, “sal ek sy juk verbreek van jou nek af, en jou stroppe sal ek in twee breek,+ en vreemdelinge sal hom nie meer as ’n kneg uitbuit nie.
9 En hulle sal beslis Jehovah hulle God dien en hulle koning Dawid,+ wat ek vir hulle sal verwek.”+
10 “En wat jou betref, moenie bang wees nie, o my kneg Jakob”, is die woord van Jehovah, “en moenie met verskrikking vervul wees nie, o Israel.+ Want kyk, ek red jou uit ver plekke en jou nageslag uit die land van hulle gevangenskap.+ En Jakob sal beslis terugkeer en rus geniet en gerus wees, en daar sal niemand wees wat bewing veroorsaak nie.”+
11 “Want ek is met jou”, is die woord van Jehovah, “om jou te red;+ maar ek sal al die nasies uitroei waarheen ek jou verstrooi het.+ Maar jou sal ek nie uitroei nie.+ En ek sal jou in die regte mate moet teregwys, aangesien ek jou geensins ongestraf sal laat bly nie.”+
12 Want só het Jehovah gesê: “Daar is geen genesing vir jou breuk nie.+ Jou wond is ongeneeslik.+
13 Wat jou sweer betref, daar is niemand wat jou saak bepleit nie.+ Daar is geen geneesmiddel, geen genesing, vir jou nie.+
14 Almal wat jou intens liefhet, hulle het jou vergeet.+ Dit is nie na jou dat hulle bly soek nie. Want met die slag van ’n vyand het ek jou geslaan,+ met die tugtiging van iemand wat wreed is,+ weens die oorvloed van jou oortredings;+ jou sondes het talryk geword.+
15 Waarom skreeu jy weens jou verbreking?+ Jou pyn is ongeneeslik weens die oorvloed van jou oortredings; jou sondes het talryk geword.+ Ek het jou hierdie dinge aangedoen.
16 Daarom sal almal wat jou verslind, verslind word;+ en wat al jou teenstanders betref, in gevangenskap sal hulle almal gaan.+ En dié wat jou plunder, sal beslis geplunder word, en almal wat jou beroof, sal ek oorgee om beroof te word.”+
17 “Want ek sal vir jou genesing teweegbring, en van jou wonde sal ek jou genees”,+ is die woord van Jehovah. “Want ’n weggejaagde vrou het hulle jou genoem:+ ‘Dit is Sion, na wie niemand soek nie.’”+
18 Só het Jehovah gesê: “Kyk, ek versamel die gevangenes van die tente van Jakob,+ en oor sy wonings sal ek my ontferm. En die stad sal op sy puinhoop herbou word;+ en op sy regmatige plek sal die woontoring staan.+
19 En uit hulle sal daar beslis danksegging uitgaan en die geluid van dié wat lag.+ En ek sal hulle vermenigvuldig, en hulle sal nie min word nie;+ en ek sal hulle talryk maak, en hulle sal nie onbeduidend word nie.+
20 En sy seuns sal soos in vroeër tye word, en voor my sal sy vergadering stewig gevestig word.+ En ek sal my aandag op al sy onderdrukkers rig.+
21 En sy vooraanstaande sal beslis uit hom kom,+ en uit sy midde sal sy heerser voortkom;+ en ek sal hom laat nader kom, en hy moet na my toe kom.”+
“Want wie is hy tog wat sy hart verpand het om na my toe te kom?”+ is die woord van Jehovah.
22 “En julle sal beslis my volk word,+ en ek sal julle God word.”+
23 Kyk! ’n Windstorm van Jehovah, woede, het uitgegaan, ’n meesleurende orkaan.+ Op die hoof van die goddeloses sal dit neerwarrel.+
24 Die brandende toorn van Jehovah sal nie wyk totdat hy die idees van sy hart verwesenlik het en totdat hy dit uitgevoer het nie.+ Aan die einde van die dae sal julle daarop ag gee.+
