Jesaja 32:1-20
32 Kyk! ’n Koning+ sal vir regverdigheid+ regeer; en wat vorste betref,+ hulle sal as vorste vir geregtigheid heers.
2 En elkeen sal soos ’n skuilplek teen die wind en ’n skuiling teen die reënstorm wees,+ soos waterstrome in ’n waterlose land,+ soos die skaduwee van ’n groot, swaar rots in ’n uitgeputte land.+
3 En die oë van dié wat sien, sal nie toegeplak wees nie, en die ore van dié wat hoor, sal aandag skenk.+
4 En die hart van die oorhaastiges sal op kennis ag gee,+ en selfs die tong van die hakkelaars sal gou wees om duidelik te praat.+
5 Die verstandelose sal nie meer vrygewig genoem word nie; en wat die beginsellose man betref, van hom sal nie gesê word dat hy edel is nie;+
6 want die verstandelose sal pure onsinnigheid spreek,+ en sy hart sal bedryf wat skadelik is,+ om afvalligheid te bedryf+ en verkeerde dinge teen Jehovah te spreek, om die siel van die een wat honger is, leeg te laat bly,+ en hy laat selfs die een wat dors is, sonder iets te drinke bly.
7 Wat die beginsellose man betref, sy werktuie is sleg;+ hy het raad gegee met betrekking tot losbandige dade,+ om die geteisterdes met valse woorde te verwoes,+ selfs wanneer ’n arme spreek wat reg is.
8 Wat die vrygewige betref, met betrekking tot vrygewige dinge het hy raad gegee; en ten gunste van vrygewige dinge sal hy opstaan.+
9 “Staan op, o geruste vroue, luister na my stem!+ O sorgelose dogters, hoor my woord!
10 Binne ’n jaar en enkele dae sal julle, o sorgeloses, in beroering wees,+ want die druiweoes sal tot ’n einde gekom het, maar daar sal geen insameling van vrugte kom nie.+
11 Bewe, o geruste vroue! Wees in beroering, o sorgeloses! Trek julle uit en ontbloot julle en omgord die lendene met saklinne.+
12 Slaan op julle bors in weeklag+ oor die begeerlike velde,+ oor die vrugdraende wingerdstok.
13 Op die grond van my volk kom net dorings, stekelrige struike op,+ want hulle is op al die huise van vreugde, ja, op die besonder uitgelate stad.+
14 Want die woontoring is verlate,+ die stadsgewoel het uitgesterf; Ofel+ en die wagtoring het kaal velde geword, vir onbepaalde tyd die vreugde van sebras, die weiveld van kuddes;
15 totdat die gees uit die hoogte oor ons uitgestort word,+ en die wildernis ’n boord geword het, en die boord as ’n ware woud gereken word.+
16 “En in die wildernis sal geregtigheid beslis vertoef, en in die boord sal regverdigheid woon.+
17 En die werk van die ware regverdigheid sal vrede word,+ en die diens van die ware regverdigheid rus en veiligheid tot onbepaalde tyd.+
18 En my volk sal in ’n vreedsame woonplek en in wonings van volle vertroue en in ongestoorde rusplekke woon.+
19 En dit sal beslis hael wanneer die woud te gronde gaan+ en die stad tot ’n vernederde toestand verlaag word.+
20 “Gelukkig is julle wat langs al die waters saad saai,+ wat die pote van die bul en van die esel uitstuur.”+
