Jesaja 45:1-25
45 Só het Jehovah vir sy gesalfde,+ vir Kores, gesê, wie se regterhand ek gevat het+ om nasies voor hom te onderwerp,+ sodat ek selfs die heupe van konings kan ontgord; om voor hom die tweevleueldeure oop te maak, sodat die poorte nie gesluit sal wees nie:
2 “Ek sal voor jou uit gaan,+ en die bulte sal ek gelykmaak.+ Die koperdeure sal ek verbreek en die ystergrendels stukkend slaan.+
3 En ek sal jou die skatte+ in die duisternis gee en die verborge skatte in die skuilplekke, sodat jy kan weet dat ek Jehovah is, die Een wat jou by jou naam roep,+ die God van Israel.
4 Ter wille van my kneg Jakob en van Israel, my uitverkorene,+ het ek jou by jou naam geroep; ek het jou ’n erenaam gegee, hoewel jy my nie geken het nie.+
5 Ek is Jehovah, en daar is geen ander nie.+ Buiten my is daar geen God nie.+ Ek sal jou styf omgord, hoewel jy my nie geken het nie,
6 sodat mense van die opgang van die son en van sy ondergang af kan weet dat daar buiten my geeneen is nie.+ Ek is Jehovah, en daar is geen ander nie.+
7 Die Een wat die lig formeer+ en die duisternis skep,+ wat vrede maak+ en rampspoed skep:+ Ek, Jehovah, doen al hierdie dinge.+
8 “O hemele, laat dit drup van bo af;+ en laat die bewolkte lug drup van regverdigheid.+ Laat die aarde oopgaan, en laat dit vrugbaar wees met redding en terselfdertyd regverdigheid laat uitspruit.+ Ek, Jehovah, het dit geskep.”+
9 Wee hom wat met sy Formeerder getwis het,+ soos ’n erdeskerf met die ander erdeskerwe van die grond! Moet die klei+ vir sy vormer sê: “Wat maak jy?” En jou werk: “Hy het geen hande nie”?
10 Wee hom wat vir ’n vader sê: “Waarvan word u ’n vader?” en vir die vrou: “Waarvan het u geboortepyne?”+
11 Só het Jehovah gesê, die Heilige van Israel+ en sy Formeerder:+ “Vra my selfs oor die toekomstige dinge+ aangaande my kinders;+ en aangaande die werk+ van my hande moet julle my bevel gee.
12 Ek het die aarde gemaak+ en selfs die mens daarop geskep.+ Ek—my hande het die hemel uitgespan,+ en aan die hele leër daarvan het ek bevel gegee.”+
13 “Ek het iemand in regverdigheid verwek,+ en al sy weë sal ek gelykmaak.+ Dit is hy wat my stad sal bou,+ en dié wat aan my behoort en in ballingskap is, sal hy laat gaan,+ nie vir ’n prys+ of vir ’n omkoopgeskenk nie”, het Jehovah van die leërs gesê.
14 Só het Jehovah gesê: “Die onbetaalde arbeiders van Egipte+ en die koopmanne van Etiopië en die Sabeërs,+ lang manne,+ sal na jou toe oorkom, en hulle sal joune word.+ Agter jou sal hulle loop; in boeie+ sal hulle oorkom, en voor jou sal hulle hulle neerbuig.+ Tot jou sal hulle bid en sê: ‘God is inderdaad in eenheid met jou,+ en daar is geen ander nie; daar is geen ander God nie.’”+
15 Waarlik, u is ’n God wat u verborge hou,+ die God van Israel, ’n Redder.+
16 Hulle almal sal beslis beskaamd staan en ook verneder word. Die vervaardigers van afgodsgestaltes sal saam in vernedering+ moet wandel.
17 Wat Israel betref, hy sal beslis in eenheid met Jehovah gered word+ met ’n redding vir onbepaalde tye.+ Julle sal nie beskaamd staan+ of verneder word+ vir die onbepaalde tye van die ewigheid nie.
18 Want só het Jehovah gesê, die Skepper van die hemele,+ Hy, die ware God,+ die Formeerder van die aarde en die Maker daarvan,+ Hy, wat dit stewig gevestig het,+ wat dit nie verniet geskep het nie, wat dit gevorm het om bewoon te word:+ “Ek is Jehovah, en daar is geen ander nie.+
19 Ek het nie in ’n verborge plek, in ’n donker plek van die aarde, gespreek nie;+ ook het ek nie vir die saad van Jakob gesê: ‘SOEK my verniet’ nie.+ Ek is Jehovah, wat spreek wat regverdig is, wat vertel wat reg is.+
20 “Versamel julle en kom.+ Kom almal nader, julle wat uit die nasies ontkom het.+ Dié wat die hout van hulle gesnede beeld dra, het geen kennis bekom nie, ook nie dié wat bid tot ’n god wat nie kan red nie.+
21 Lê julle verslag en julle aanbieding voor.+ Ja, laat hulle in eenheid beraadslaag. Wie het dit van ouds af laat hoor?+ Wie het dit van daardie tyd af vertel?+ Is dit nie ek, Jehovah, buiten wie daar geen ander God is nie;+ ’n regverdige God en ’n Redder,+ terwyl daar geeneen buiten my is nie?+
22 “Wend julle tot my en word gered,+ almal aan die eindes van die aarde; want ek is God, en daar is geen ander nie.+
23 By myself het ek gesweer+—uit my mond het die woord in regverdigheid uitgegaan,+ sodat dit nie sal terugkeer nie+—voor my sal elke knie buig,+ by my sal elke tong sweer+
24 en sê: ‘Waarlik, in Jehovah is daar volle regverdigheid en sterkte.+ Almal wat teen hom driftig raak, sal reguit na hom toe kom en beskaamd staan.+
25 In Jehovah sal die hele saad+ van Israel reg wees+ en oor hulleself roem.’”+
