Job 13:1-28
13 “Kyk! Dit alles het my oog gesien,My oor het dit gehoor en gee ag daarop.
2 Wat julle weet, weet ek ook goed;Ek staan nie vir julle terug nie.+
3 Maar ék sou met die Almagtige wou praat,+En ek sou behae daarin skep om met God te redeneer.
4 Julle daarenteen beswadder met leuens;+Julle is almal kwaksalwers.+
5 As julle maar net heeltemal wou stilbly,Sodat dit wysheid van julle kant sou wees!+
6 Hoor asseblief my teenargumente,+En skenk aandag aan die pleidooie van my lippe.
7 Sal julle namens God onregverdigheid spreek,En sal julle namens hom bedrog spreek?+
8 Sal julle hom partydig behandel,+Of sal julle vir die ware God ’n regstryd voer?
9 Sou dit goed wees as hy julle pols?+Of sal julle hom vir die gek hou soos ’n sterflike mens vir die gek gehou word?
10 Hy sal julle gewis teregwys+As julle in die geheim partydigheid probeer toon;+
11 Sal sy waardigheid julle nie van skrik laat opspringEn vrees vir hom op julle val nie?+
12 Julle gedenkwaardige gesegdes is spreuke van as;Julle skildknoppe is soos skildknoppe van klei.+
13 SWYG voor my, sodat ek kan praat.Laat dan oor my kom wat wil!
14 Waarom neem ek my vlees in my tandeEn plaas ek my siel in my palm?+
15 Al sou hy my ombring, sou ek dan nie wag nie?+Ek sou net ten gunste van my eie weë voor sy aangesig redeneer.
16 Hy sou ook my redding wees,+Want voor hom sal geen afvallige inkom nie.+
17 LUISTER na my woorde tot die einde toe,+En laat my verklaring in julle ore wees.
18 Kyk asseblief, ek het ’n regsaak voorgelê;+Ek weet goed dat ek reg is.
19 Wie is dit wat met my sal twis?+Want as ek nou sou stilbly, sou ek eenvoudig sterf!
20 Moet my net twee dinge nie aandoen nie;Dan sal ek my nie bloot weens u+ verberg nie;
21 Verwyder u hand ver van my af,En die skrik vir u—mag dit my nie verskrik nie.+
22 Roep sodat ek kan antwoord;Of laat ek praat, en gee u my antwoord.
23 In watter opsig het ek oortredings en sondes?Maak aan my my opstandigheid en my sonde bekend.
24 Waarom verberg u u aangesig+En beskou u my as ’n vyand van u?+
25 Sal u ’n blote blaar wat rondgewaai word, laat sidder,Of voortdurend ’n droë stoppel agternasit?
26 Want u bly bitter dinge teen my skryf+En u laat my die gevolge van die oortredings van my jeug dra.+
27 Ook hou u my voete voortdurend in die blok,+En u gee ag op al my paaie;Vir my voetsole trek u u streep.
28 En hy is soos iets verrots wat vergaan;+Soos ’n kleed wat deur ’n mot opgeëet word.+
