Job 36:1-33
36 En Eliʹhu het verder gesê:
2 “Wees ’n klein rukkie geduldig met my, en ek sal u meedeelDat daar nog woorde is om ten gunste van God te sê.
3 Ek sal my kennis van ver af bring,En aan my Formeerder sal ek regverdigheid toeskryf.+
4 Want my woorde is inderdaad geen leuen nie;Die Een wat volmaak is in kennis,+ is met u.
5 Kyk! God is magtig+ en sal nie verwerp nie;Hy is magtig in die krag van ’n verstandige hart;
6 Hy sal geen goddelose laat lewe nie,+Maar aan die geteisterdes sal hy reg verskaf.+
7 Hy sal sy oë nie van die regverdige afwend nie;+Selfs konings op die troon+—Hy sal hulle ook vir ewig laat sit, en hulle sal verhef word.
8 En as hulle met boeie gebind word,+Word hulle met toue van ellende gevange geneem.
9 Dan sal hy hulle vertel van hulle handelswyseEn hulle oortredings, omdat hulle ’n meerderwaardige houding inneem.
10 En hy sal hulle oor vir vermaning open,+En hy sal sê dat hulle hulle moet afkeer van wat skadelik is.+
11 As hulle gehoorsaam is en dien,Sal hulle hulle dae eindig in wat goed isEn hulle jare in aangenaamheid.+
12 Maar as hulle nie gehoorsaam is nie, sal hulle deur ’n werpspies+ heengaan,+En hulle sal sonder kennis sterf.
13 En die afvalliges van hart sal toorn ophoop.+Hulle moet nie om hulp roep omdat hy hulle gebind het nie.
14 Hulle siel sal in die jeug sterf,+En hulle lewe onder manlike tempelprostitute.+
15 Hy sal die geteisterde in sy ellende red,En hy sal hulle oor in die verdrukking open.
16 En hy sal u ook beslis weglok uit die mond van benoudheid!+Wyer ruimte,+ nie ingeperktheid nie, sal in die plek daarvan wees,En die vertroosting van u tafel sal vol vettigheid wees.+
17 Met die regterlike vonnis oor die goddelose+ sal u beslis vervul word;Regterlike vonnis en geregtigheid sal ’n houvas kry.
18 Want pas op dat woede+ u nie tot kwaadwillige handegeklap verlok nie,En laat ’n groot losprys+ u nie op ’n dwaalspoor bring nie.
19 Sal u hulpgeroep ’n uitwerking hê?+ Nee, en ook nie in benoudheidSelfs al u kragtige pogings nie.+
20 Moenie hyg na die nag,Dat volke hulle moet terugtrek van waar hulle is nie.
21 Pas op dat u u nie wend tot wat skadelik is nie,+Want u het dít bo ellende verkies.+
22 Kyk! God handel verhewe met sy krag;Wie is ’n onderrigter soos hy?
23 Wie het van hom rekenskap geëis oor sy weg,+En wie het gesê: ‘U het onreg gepleeg’?+
24 Onthou dat u sy dade groot moet maak+Waarvan mense gesing het.+
25 Al die mense het hulle blik daarop gerig;Die sterflike mens bly van ver af kyk.+
26 Kyk! God is meer verhewe as wat ons kan weet;+Die getal van sy jare is onnaspeurlik.+
27 Want hy trek die waterdruppels op;+Hulle sypel deur as reën vir sy mis,
28 Sodat die wolke drup;+Hulle drup oorvloedig op die mensdom.
29 Ja, wie kan die wolklae verstaan,Die harde slae vanuit sy hut?+
30 Kyk! Hy het sy lig daaroor uitgesprei,+En die dieptes van die see het hy bedek.
31 Want daardeur bepleit hy die regsaak van volke;+Hy gee voedsel in oorvloed.+
32 In sy hande het hy die weerlig bedek,En hy gee daaraan bevel teen ’n aanvaller.+
33 Sy gedreun+ vertel van hom,Ook die vee omtrent die een wat opkom.
