Matteus 20:1-34
20 “Want die koninkryk van die hemele is soos ’n man, ’n huisheer, wat vroeg in die oggend uitgegaan het om werkers vir sy wingerd+ te huur.
2 Toe hy met die werkers ooreengekom het vir ’n denaʹrius per dag,+ het hy hulle in sy wingerd uitgestuur.
3 Hy het ook omstreeks die derde uur+ uitgegaan en ander werkloos op die markplein sien staan;+
4 en vir dié het hy gesê: ‘Gaan julle ook in die wingerd in, en ek sal julle gee wat billik is.’
5 Toe het hulle gegaan. Hy het omstreeks die sesde+ en die negende uur+ weer uitgegaan en dieselfde gedoen.
6 Laastens het hy omstreeks die elfde uur uitgegaan en ander gevind wat daar staan, en hy het vir hulle gesê: ‘Waarom staan julle al die hele dag hier werkloos?’
7 Hulle het vir hom gesê: ‘Omdat niemand ons gehuur het nie.’ Hy het vir hulle gesê: ‘Gaan julle ook in die wingerd in.’+
8 “Toe dit aand+ word, het die heer van die wingerd vir sy opsigter gesê: ‘Roep die werkers en betaal hulle hulle loon,+ en begin by die laastes tot by die eerstes.’
9 Toe die manne van die elfde uur kom, het hulle elkeen ’n denaʹrius ontvang.
10 Toe die eerstes kom, het hulle dus die gevolgtrekking gemaak dat hulle meer sou ontvang; maar hulle het ook ’n denaʹrius as betaling ontvang.
11 Toe hulle dit ontvang, het hulle teen die huisheer+ begin murmureer
12 en gesê: ‘Hierdie laastes het een uur gewerk; nogtans het u hulle gelykgemaak aan ons wat die las van die dag en die versengende hitte gedra het!’
13 Maar hy het een van hulle geantwoord en gesê: ‘Vriend, ek doen jou geen onreg aan nie. Jy het met my ooreengekom vir ’n denaʹrius, nie waar nie?+
14 Neem wat joune is en gaan. Ek wil vir hierdie laaste een dieselfde gee as vir jou.+
15 Is dit my nie geoorloof om met my eie goed te doen wat ek wil nie? Of is jou oog goddeloos+ omdat ek goed is?’+
16 So sal die laastes eerste wees, en die eerstes, laaste.”+
17 Omdat Jesus toe op die punt gestaan het om na Jerusalem op te gaan, het hy die twaalf dissipels+ eenkant toe geneem en op die pad vir hulle gesê:
18 “Kyk! Ons gaan op na Jerusalem, en die Seun van die mens sal aan die hoofpriesters en skrifgeleerdes oorgelewer word, en hulle sal hom ter dood veroordeel+
19 en hom aan mense van die nasies oorlewer om die spot mee te dryf en te gesel en aan die paal te hang,+ en op die derde dag sal hy opgewek word.”+
20 Toe het die moeder van die seuns van Sebedeʹus+ saam met haar seuns na hom toe gekom en aan hom hulde bewys en iets van hom gevra.+
21 Hy het vir haar gesê: “Wat wil u hê?” Sy het vir hom gesê: “Sê dat hierdie twee seuns van my in u koninkryk mag sit, een aan u regter- en een aan u linkerhand.”+
22 Jesus het geantwoord en gesê: “Julle weet nie wat julle vra nie. Kan julle die beker drink+ wat ek op die punt staan om te drink?” Hulle het vir hom gesê: “Ons kan.”
23 Hy het vir hulle gesê: “Julle sal inderdaad my beker drink,+ maar om aan my regter- en aan my linkerhand te sit, is nie myne om te gee nie, maar dit behoort aan dié vir wie dit deur my Vader berei is.”+
24 Toe die tien ander hiervan hoor, het hulle verontwaardig geword teenoor die twee broers.+
25 Maar Jesus het hulle na hom toe geroep en gesê: “Julle weet dat die heersers van die nasies oor hulle baasspeel en die groot manne oor hulle gesag uitoefen.+
26 Onder julle is dit nie so nie;+ maar elkeen wat onder julle groot wil word, moet julle dienaar wees,+
27 en elkeen wat onder julle die eerste wil wees, moet julle slaaf wees.+
28 Net soos die Seun van die mens gekom het, nie om gedien te word nie, maar om te dien+ en om sy siel te gee as ’n losprys in ruil vir baie.”+
29 En terwyl hulle uit Jeʹrigo+ uitgegaan het, het ’n groot menigte hom gevolg.
30 En kyk! toe twee blindes wat langs die pad gesit het, hoor dat Jesus verbygaan, het hulle uitgeroep en gesê: “Here, wees ons barmhartig, Seun van Dawid!”+
31 Maar die skare het hulle streng aangesê om stil te bly; tog het hulle net nog harder geroep en gesê: “Here, wees ons barmhartig, Seun van Dawid!”+
32 Toe het Jesus gaan staan, hulle geroep en gesê: “Wat wil julle hê moet ek vir julle doen?”
33 Hulle het vir hom gesê: “Here, laat ons oë geopen word.”+
34 Beweeg deur innige jammerte het Jesus hulle oë aangeraak,+ en onmiddellik kon hulle sien, en hulle het hom gevolg.+
