Nahum 1:1-15
1 Die uitspraak teen Niʹneve:+ Die boek van die visioen van Nahum, die Elkosiet:
2 Jehovah is ’n God wat uitsluitlike toegewydheid eis+ en wraak neem; Jehovah neem wraak+ en is geneig tot woede.+ Jehovah neem wraak op sy teenstanders,+ en hy is gebelg op sy vyande.+
3 Jehovah word nie gou toornig nie+ en is groot van krag,+ en Jehovah sal hom geensins daarvan weerhou om te straf nie.+
In verwoestende wind en in storm is sy weg, en die wolkmassa is die stof van sy voete.+
4 Hy bestraf die see,+ en hy laat dit opdroog; en al die riviere laat hy droogloop.+
Basan en Karmel het verwelk,+ en die bloeisel van die Liʹbanon het verwelk.
5 Berge het gebewe weens hom, en die heuwels het gesmelt.+
En die aarde sal opgehef word weens sy aangesig; ook die vrugbare land en almal wat daarin woon.+
6 Wie kan voor sy veroordeling standhou?+ En wie kan teen sy gloeiende toorn+ opstaan?
Sy woede sal beslis soos vuur uitgestort word,+ en weens hom sal die rotse uitmekaargeruk word.
7 Jehovah is goed,+ ’n vesting+ in die dag van benoudheid.+
En hy ken dié wat by hom toevlug soek.+
8 En met die vloed wat deurtrek, sal hy ’n volslae uitroeiing van die plek van die stad teweegbring,+ en duisternis sal sy vyande agtervolg.+
9 Wat sal julle teen Jehovah bedink?+ Hy veroorsaak ’n volslae uitroeiing.
Benoudheid sal nie ’n tweede keer opkom nie.+
10 Hoewel hulle ineengevleg word soos dorings+ en hulle dronk is soos van hulle koringbier,+ sal hulle beslis verteer word soos stoppels wat heeltemal droog is.+
11 Uit jou sal daar iemand uitgaan wat kwaad teen Jehovah bedink,+ wat nuttelose raad gee.+
12 Só het Jehovah gesê: “Hoewel hulle in alles volkome was en daar baie in dié toestand was, sal hulle selfs in dié toestand neergevel word;+ en een sal deurtrek. En ek sal jou beslis teister, sodat ek jou nie verder sal teister nie.+
13 En nou sal ek sy draagstok van jou af verbreek,+ en die bande op jou sal ek in twee skeur.+
14 En aangaande jou het Jehovah beveel: ‘Van jou naam sal niks meer gesaai word nie.+ Uit die huis van jou gode sal ek die gesnede beeld en die gegote beeld uitroei.+ Ek sal vir jou ’n graf maak,+ want jy was van geen belang nie.’
15 “Kyk! Op die berge die voete van iemand wat goeie nuus bring, wat vrede verkondig.+ O Juda, vier jou feeste.+ Betaal jou geloftes;+ want geen deugniet sal ooit weer deur jou trek nie.+ Hy sal beslis heeltemal uitgeroei word.”+
