Nahum 2:1-13
2 Iemand wat ’n verstrooiing veroorsaak, het voor jou aangesig opgetrek.+ Laat die vesting beveilig word. Hou die pad dop. Versterk die heupe. Versterk die krag grootliks.+
2 Want Jehovah sal beslis die trots van Jakob+ versamel, soos die trots van Israel, want dié wat leegmaak, het hulle leeggemaak;+ en hulle lote het hulle verwoes.+
3 Die skild van sy sterk manne is rooi gekleur; sy lewenskragtige manne is in karmosynrooi stof geklee.+ Met die vuur van ysterbeslag is die strydwa op die dag dat hy hom gereedmaak, en hulle laat die jenewerboomspiese+ tril.
4 In die strate ry die strydwaens in dolle vaart rond.+ Hulle jaag aanhoudend op en af op die openbare pleine. Hulle voorkoms is soos fakkels. Soos weerligstrale+ bly hulle voortsnel.
5 Hy sal aan sy vooraanstaandes dink.+ Hulle sal struikel in hulle gang.+ Hulle sal hulle na die muur toe haas, en die versperring sal stewig opgerig moet word.
6 Die poorte van die riviere sal beslis oopgemaak word, en die paleis sal wegsmelt.
7 En dit is bepaal; die stad is ontbloot; hy sal beslis weggevoer word,+ en sy slavinne sal kerm, soos die geluid van duiwe,+ terwyl hulle herhaaldelik op hulle hart slaan.+
8 En Niʹneve was, van die dae af dat hy bestaan het,+ soos ’n dam vol water;+ maar hulle vlug. “STAAN STIL! Staan stil!” Maar daar is niemand wat terugdraai nie.+
9 PLUNDER silwer; plunder goud;+ want daar is geen einde aan die voorraad nie. Daar is ’n groot hoeveelheid van allerhande begeerlike voorwerpe.+
10 Leegheid en verlatenheid, en ’n verwoeste stad!+ En die hart smelt,+ en die knieë wankel,+ en in al die heupe is daar hewige pyne;+ en wat hulle almal se gesigte betref, hulle het ’n gloed van verontrusting gekry.+
11 Waar is die lêplek van leeus, en die grot wat aan die jong maanhaarleeus behoort, waar die leeu geloop en ingegaan het,+ waar die leeuwelpie was en niemand hulle laat bewe het nie?+
12 Die leeu het genoeg vir sy welpies verskeur en het vir sy leeuwyfies gewurg. En hy het sy gate gevul gehou met prooi en sy skuilplekke met verskeurde diere.+
13 “Kyk! Ek is teen jou”, is die woord van Jehovah van die leërs,+ “en ek sal sy strydwaens in rook verbrand.+ En ’n swaard sal jou jong maanhaarleeus verslind.+ En ek sal jou prooi van die aarde af uitroei, en die stem van jou boodskappers sal nie meer gehoor word nie.”+
