Numeri 26:1-65
26 En ná die plaag+ het Jehovah vir Moses en Eleaʹsar, die seun van die priester Aäron, gesê:
2 “NEEM die volle getal van die hele vergadering van die kinders van Israel op, van twintig jaar en ouer, volgens die huis van hulle vaders, almal wat in Israel in die leër uittrek.”+
3 En Moses en die priester Eleaʹsar+ het in die woestynvlaktes van Moab+ aan die Jordaan by Jeʹrigo+ met hulle gepraat en gesê:
4 “Neem hulle volle getal op, van twintig jaar en ouer, net soos Jehovah Moses beveel het.”+
En die kinders van Israel wat uit Egipteland uitgetrek het, was:
5 Ruben, Israel se eersgeborene;+ Ruben se seuns: Van Hanog+ die familie van die Hanogiete; van Pallu+ die familie van die Palluïete;
6 van Hesron+ die familie van die Hesroniete; van Karmi+ die familie van die Karmiete.
7 Dit was die families van die Rubeniete, en hulle geregistreerdes was drie-en-veertigduisend-sewehonderd-en-dertig.+
8 En die seun van Pallu was Eliʹab.
9 En die seuns van Eliʹab: Neʹmuel en Datan en Abiʹram. Hierdie Datan+ en Abiʹram+ was manne wat uit die vergadering opgeroep was, wat ’n stryd teen Moses en Aäron gevoer het in die vergadering van Korag,+ toe hulle ’n stryd teen Jehovah gevoer het.
10 Toe het die aarde sy mond oopgemaak en hulle verswelg.+ Wat Korag betref, hy het gesterf toe die vergadering gesterf het, toe die vuur tweehonderd-en-vyftig man verteer het.+ En hulle het ’n simbool geword.+
11 Die seuns van Korag het egter nie gesterf nie.+
12 Die seuns van Siʹmeon+ volgens hulle families: Van Neʹmuel+ die familie van die Nemueliete; van Jamin+ die familie van die Jaminiete; van Jagin+ die familie van die Jaginiete;
13 van Serag die familie van die Seragiete; van Saul+ die familie van die Sauliete.
14 Dit was die families van die Simeoniete: twee-en-twintigduisend-tweehonderd.+
15 Die seuns van Gad+ volgens hulle families: Van Sefon die familie van die Sefoniete; van Haggi die familie van die Haggiete; van Suni die familie van die Suniete;
16 van Osni die familie van die Osniete; van Eri die familie van die Eriete;
17 van Arod die familie van die Arodiete; van Areʹli+ die familie van die Areliete.
18 Dit was die families van die seuns van Gad, van hulle geregistreerdes: veertigduisend-vyfhonderd.+
19 Die seuns van Juda+ was Er+ en Onan.+ Er en Onan het egter in die land Kanaän gesterf.+
20 En die seuns van Juda was, volgens hulle families: Van Sela+ die familie van die Selaniete; van Peres+ die familie van die Peresiete; van Serag+ die familie van die Seragiete.
21 En die seuns van Peres was: Van Hesron+ die familie van die Hesroniete; van Hamul+ die familie van die Hamuliete.
22 Dit was die families van Juda,+ van hulle geregistreerdes: ses-en-sewentigduisend-vyfhonderd.+
23 Die seuns van Isʹsaskar+ volgens hulle families was: Van Tola+ die familie van die Tolaïete; van Puwa die familie van die Puniete;
24 van Jasub die familie van die Jasubiete; van Simron+ die familie van die Simroniete.
25 Dit was die families van Isʹsaskar, van hulle geregistreerdes: vier-en-sestigduisend-driehonderd.+
26 Die seuns van Seʹbulon+ volgens hulle families was: Van Sered die familie van die Serediete; van Elon die familie van die Eloniete; van Jagʹleël+ die familie van die Jagleëliete.
27 Dit was die families van die Sebuloniete, van hulle geregistreerdes: sestigduisend-vyfhonderd.+
28 Die seuns van Josef+ volgens hulle families was Manasʹse en Eʹfraim.+
29 Die seuns van Manasʹse+ was: Van Magir+ die familie van die Magiriete. En Magir het die vader van Giʹlead+ geword. Van Giʹlead die familie van die Gileadiete.
30 Dít was die seuns van Gilead: Van Jeser+ die familie van die Jeseriete; van Helek die familie van die Helekiete;
31 van Asʹriël die familie van die Asriëliete; van Sigem die familie van die Sigemiete;
32 van Semiʹda+ die familie van die Semidaïete; van Hefer+ die familie van die Heferiete.
33 En Selofʹhad, die seun van Hefer, het geen seuns gehad nie, maar dogters,+ en die name van die dogters van Selofʹhad was Magla en Noa, Hogla, Milka en Tirsa.+
34 Dit was die families van Manasʹse, en hulle geregistreerdes was twee-en-vyftigduisend-sewehonderd.+
35 Dít was die seuns van Eʹfraim+ volgens hulle families: Van Suteʹlag+ die familie van die Sutelagiete; van Beger die familie van die Begeriete; van Tahan+ die familie van die Tahaniete.
36 En dít was die seuns van Suteʹlag: Van Eran die familie van die Eraniete.
37 Dit was die families van die seuns van Eʹfraim,+ van hulle geregistreerdes: twee-en-dertigduisend-vyfhonderd. Dit was die seuns van Josef volgens hulle families.+
38 Die seuns van Benjamin+ volgens hulle families was: Van Bela+ die familie van die Belaïete; van Asbel+ die familie van die Asbeliete; van Ahiʹram die familie van die Ahiramiete;
39 van Sefuʹfam die familie van die Sufamiete; van Hufam+ die familie van die Hufamiete.
40 Die seuns van Bela was Ard en Naäman:+ Van Ard die familie van die Ardiete; van Naäman die familie van die Naämiete.
41 Dit was die seuns van Benjamin+ volgens hulle families, en hulle geregistreerdes was vyf-en-veertigduisend-seshonderd.+
42 Dít was die seuns van Dan+ volgens hulle families: Van Suham die familie van die Suhamiete. Dit was die families van Dan+ volgens hulle families.
43 Al die families van die Suhamiete, van hulle geregistreerdes, was vier-en-sestigduisend-vierhonderd.+
44 Die seuns van Aser+ volgens hulle families was: Van Jimna+ die familie van die Jimnaïete; van Jiswi+ die familie van die Jiswiete; van Beriʹa die familie van die Beriïete;
45 van die seuns van Beriʹa: Van Heber die familie van die Heberiete; van Malʹkiël+ die familie van die Malkiëliete.
46 En die naam van Aser se dogter was Sera.+
47 Dit was die families van die seuns van Aser,+ van hulle geregistreerdes: drie-en-vyftigduisend-vierhonderd.+
48 Die seuns van Nafʹtali+ volgens hulle families was: Van Jagʹseël+ die familie van die Jagseëliete; van Guni+ die familie van die Guniete;
49 van Jeser+ die familie van die Jeseriete; van Sillem+ die familie van die Sillemiete.
50 Dit was die families van Nafʹtali+ volgens hulle families, en hulle geregistreerdes was vyf-en-veertigduisend-vierhonderd.+
51 Dít was die geregistreerdes van die kinders van Israel: seshonderd-en-eenduisend-sewehonderd-en-dertig.+
52 Daarna het Jehovah met Moses gepraat en gesê:
53 “Vir hulle moet die land verdeel word as ’n erfenis volgens die getal name.+
54 Vir dié wat baie is, moet jy hulle erfdeel groter maak, en vir dié wat min is, moet jy hulle erfdeel kleiner maak.+ Elkeen se erfdeel moet gegee word na verhouding van sy geregistreerdes.
55 Net deur die lot+ moet die land verdeel word. Volgens die name van die stamme van hulle vaders moet hulle ’n erfdeel ontvang.
56 Volgens die beslissing van die lot moet elkeen se erfdeel verdeel word tussen dié wat baie en dié wat min is.”
57 En dít was die geregistreerdes van die Leviete+ volgens hulle families: Van Gerson+ die familie van die Gersoniete; van Kehat+ die familie van die Kehatiete; van Meraʹri+ die familie van die Merariete.
58 Dít was die families van die Leviete: die familie van die Libniete,+ die familie van die Hebroniete,+ die familie van die Magliete,+ die familie van die Musiete,+ die familie van die Koragiete.+
En Kehat+ het die vader van Amram+ geword.
59 En die naam van Amram se vrou was Jogeʹbed,+ Levi se dogter, wat Levi se vrou vir hom in Egipte gebaar het. Met verloop van tyd het sy vir Amram Aäron en Moses en Mirjam, hulle suster,+ gebaar.
60 Toe is daar vir Aäron Nadab en Abiʹhu,+ Eleaʹsar en Iʹtamar+ gebore.
61 Maar Nadab en Abiʹhu het gesterf omdat hulle onwettige vuur voor Jehovah aangebied het.+
62 En hulle geregistreerdes was drie-en-twintigduisend, almal wat manlik was, van ’n maand en ouer.+ Want hulle is nie onder die kinders van Israel geregistreer nie,+ omdat geen erfdeel aan hulle gegee moes word onder die kinders van Israel nie.+
63 Dit is hulle wat deur Moses en die priester Eleaʹsar geregistreer is toe hulle die kinders van Israel in die woestynvlaktes van Moab aan die Jordaan by Jeʹrigo+ geregistreer het.
64 Maar onder hulle was daar geen man van dié wat deur Moses en die priester Aäron geregistreer is toe hulle die kinders van Israel in die wildernis Siʹnai geregistreer het nie.+
65 Want Jehovah het van hulle gesê: “Hulle sal vir seker in die wildernis sterf.”+ Van hulle het daar dus geen man oorgebly nie, behalwe Kaleb, die seun van Jefunʹne, en Josua, die seun van Nun.+
