Numeri 29:1-40
29 “‘En in die sewende maand, op die eerste van die maand, moet julle ’n heilige byeenkoms hou.+ Géén swaar werk mag julle doen nie.+ Dit moet vir julle ’n dag van trompetgeskal wees.+
2 En julle moet as ’n brandoffer vir ’n rustige geur aan Jehovah offer: een jong bul, een ram, sewe jaaroud ramlammers sonder gebrek;+
3 en hulle graanoffer van fynmeel met olie bevogtig, drie tiendes van ’n maat vir die bul, twee tiendes vir die ram,+
4 en een tiende vir elke ramlam van die sewe ramlammers;+
5 en een jong bokram as ’n sondoffer om vir julle versoening te doen;+
6 benewens die maandelikse brandoffer+ en die graanoffer+ wat daarby behoort en die voortdurende brandoffer+ en die graanoffer wat daarby behoort,+ saam met hulle drankoffers,+ volgens die gebruiklike prosedure daarvoor, as ’n rustige geur, ’n vuuroffer aan Jehovah.+
7 “‘En op die tiende van hierdie sewende maand moet julle ’n heilige byeenkoms hou,+ en julle moet julle siel kasty.+ Géén werk mag julle doen nie.+
8 En julle moet as ’n brandoffer aan Jehovah, as ’n rustige geur, aanbied: een jong bul, een ram, sewe jaaroud ramlammers.+ Hulle moet vir julle sonder gebrek wees.+
9 En as hulle graanoffer van fynmeel met olie bevogtig, drie tiendes van ’n maat vir die bul, twee tiendes vir die een ram,+
10 ’n tiende vir elke ramlam van die sewe ramlammers;+
11 een boklam as ’n sondoffer, benewens die sondoffer van versoening+ en die voortdurende brandoffer en die graanoffer wat daarby behoort, saam met hulle drankoffers.+
12 “‘En op die vyftiende dag van die sewende maand+ moet julle ’n heilige byeenkoms hou.+ Géén swaar werk mag julle doen nie,+ en julle moet sewe dae lank ’n fees vir Jehovah vier.+
13 En julle moet as ’n brandoffer,+ ’n vuuroffer van ’n rustige geur aan Jehovah, aanbied: dertien jong bulle, twee ramme, veertien jaaroud ramlammers. Hulle moet sonder gebrek wees.+
14 En as hulle graanoffer van fynmeel met olie bevogtig, drie tiendes van ’n maat vir elke bul van die dertien bulle, twee tiendes vir elke ram van die twee ramme,+
15 en ’n tiende vir elke ramlam van die veertien ramlammers;+
16 en een boklam as ’n sondoffer, benewens die voortdurende brandoffer met die graanoffer en die drankoffer wat daarby behoort.+
17 “‘En op die tweede dag twaalf jong bulle, twee ramme, veertien jaaroud ramlammers sonder gebrek;+
18 en hulle graanoffer+ en hulle drankoffers+ vir die bulle, die ramme en die ramlammers, volgens hulle getal, volgens die gebruiklike prosedure;+
19 en een boklam as ’n sondoffer,+ benewens die voortdurende brandoffer en die graanoffer wat daarby behoort, saam met hulle drankoffers.+
20 “‘En op die derde dag elf bulle, twee ramme, veertien jaaroud ramlammers sonder gebrek;+
21 en hulle graanoffer+ en hulle drankoffers+ vir die bulle, die ramme en die ramlammers, volgens hulle getal, volgens die gebruiklike prosedure;
22 en een bok as ’n sondoffer,+ benewens die voortdurende brandoffer met die graanoffer en die drankoffer wat daarby behoort.
23 “‘En op die vierde dag tien bulle, twee ramme, veertien jaaroud ramlammers sonder gebrek;+
24 hulle graanoffer+ en hulle drankoffers+ vir die bulle, die ramme en die ramlammers, volgens hulle getal, volgens die gebruiklike prosedure;+
25 en een boklam as ’n sondoffer,+ benewens die voortdurende brandoffer+ met die graanoffer en die drankoffer wat daarby behoort.+
26 “‘En op die vyfde dag nege bulle, twee ramme, veertien jaaroud ramlammers sonder gebrek;+
27 en hulle graanoffer+ en hulle drankoffers+ vir die bulle, die ramme en die ramlammers, volgens hulle getal, volgens die gebruiklike prosedure;+
28 en een bok as ’n sondoffer,+ benewens die voortdurende brandoffer met die graanoffer en die drankoffer wat daarby behoort.+
29 “‘En op die sesde dag agt bulle, twee ramme, veertien jaaroud ramlammers sonder gebrek;+
30 en hulle graanoffer+ en hulle drankoffers+ vir die bulle, die ramme en die ramlammers, volgens hulle getal, volgens die gebruiklike prosedure;+
31 en een bok as ’n sondoffer,+ benewens die voortdurende brandoffer met die graanoffer en die drankoffers wat daarby behoort.+
32 “‘En op die sewende dag sewe bulle, twee ramme, veertien jaaroud ramlammers sonder gebrek;+
33 en hulle graanoffer+ en hulle drankoffers+ vir die bulle, die ramme en die ramlammers, volgens hulle getal, volgens die gebruiklike prosedure daarvoor;+
34 en een bok as ’n sondoffer,+ benewens die voortdurende brandoffer met die graanoffer en die drankoffer wat daarby behoort.+
35 “‘En op die agtste dag moet julle ’n plegtige vergadering hou.+ Géén swaar werk mag julle doen nie.+
36 En julle moet as ’n brandoffer, ’n vuuroffer van ’n rustige geur aan Jehovah, aanbied: een bul, een ram, sewe jaaroud ramlammers sonder gebrek;+
37 en hulle graanoffer+ en hulle drankoffers+ vir die bul, die ram en die ramlammers, volgens hulle getal, volgens die gebruiklike prosedure;+
38 en een bok as ’n sondoffer,+ benewens die voortdurende brandoffer met die graanoffer en die drankoffer wat daarby behoort.+
39 “‘Dit moet julle op julle seisoenfeeste+ aan Jehovah offer, benewens julle gelofteoffers+ en julle vrywillige gawes+ as julle brandoffers+ en julle graanoffers+ en julle drankoffers+ en julle gemeenskapsoffers.’”+
40 En Moses het met die kinders van Israel gepraat volgens alles wat Jehovah Moses beveel het.+
