Prediker 10:1-20
10 Dooie vlieë laat die olie van die salfmaker+ stink en borrel. Dit is wat ’n bietjie dwaasheid aan iemand doen wat kosbaar is weens wysheid en heerlikheid.+
2 Die hart van die wyse is aan sy regterhand,+ maar die hart van die sot aan sy linkerhand.+
3 En watter weg die dwaas ook bewandel,+ dit ontbreek hom aan ’n verstandige hart, en hy sê beslis vir almal dat hy dwaas is.+
4 As die gees van ’n heerser teen jou opkom, moet jy jou eie plek nie verlaat nie,+ want kalmte versag groot sondes.+
5 Daar is iets rampspoedigs wat ek onder die son gesien het, soos wanneer daar ’n fout+ weens die maghebber uitgaan:+
6 Dwaasheid is in talle hoë posisies geplaas,+ maar die rykes bly maar in ’n vernederde toestand.
7 Ek het knegte op perde gesien maar vorste wat soos knegte op die grond loop.+
8 Hy wat ’n put grawe, sal self daarin val;+ en hy wat deur ’n klipmuur breek, ’n slang sal hom byt.+
9 Hy wat klippe uitbreek, sal hom daarmee seermaak. Hy wat stompe kloof, sal versigtig moet wees daarmee.+
10 As ’n ysterwerktuig stomp geword het en ’n mens sy snykant nie geslyp het nie,+ dan sal hy sy lewenskragtigheid inspan. So beteken dit voordeel as wysheid gebruik word om sukses te behaal.+
11 As die slang byt wanneer geen beswering plaasvind nie,+ dan is daar geen voordeel vir die een wat aan die tong die vrye loop gee nie.
12 Die woorde uit die mond van die wyse beteken guns,+ maar die lippe van die sot verswelg hom.+
13 Die begin van die woorde van sy mond is dwaasheid,+ en die uiteinde van sy mond is rampspoedige waansin.
14 En die dwaas spreek baie woorde.+
Die mens weet nie wat sal gebeur nie; en wie kan hom vertel wat ná hom sal wees?+
15 Die harde werk van die sotte maak hulle moeg,+ omdat nie een te wete gekom het hoe om na die stad te gaan nie.+
16 Hoe sal dit met jou gaan, o land, wanneer jou koning ’n seun is+ en jou vorste selfs in die oggend bly eet?
17 Gelukkig is jy, o land, wanneer jou koning die seun van edeles is en jou vorste op die regte tyd eet om hulle te versterk, nie bloot om te drink nie.+
18 Deur groot luiheid sak die balkwerk in, en deur slapheid van die hande lek die huis.+
19 Brood is vir die gelag van die werkers, en wyn maak die lewe vrolik;+ maar geld vind weerklank in alles.+
20 Spreek selfs in jou slaapkamer nie ’n vloek oor die koning uit nie,+ en spreek in die binnekamers waar jy gaan lê, nie ’n vloek oor ’n ryke uit nie;+ want ’n voël van die hemel sal die geluid oordra, en iets wat vlerke het, sal die saak vertel.+
