Prediker 4:1-16
4 En ek het teruggekeer sodat ek al die dade van onderdrukking+ kon sien wat onder die son gepleeg word, en kyk! die trane van die onderdruktes,+ maar hulle het geen vertrooster gehad nie;+ en aan die kant van hulle onderdrukkers was daar mag, sodat hulle geen vertrooster gehad het nie.
2 En ek het die dooies wat reeds gesterf het, gelukgewens eerder as die lewendes wat nog gelewe het.+
3 En die een wat nog nie in aansyn gekom het nie,+ wat nie die rampspoedige werk gesien het wat onder die son gedoen word nie,+ is dan beter daaraan toe as hulle albei.
4 En ek het al die harde werk en al die bedrewenheid in die werk gesien,+ dat dit die wedywering van die een teenoor die ander beteken;+ ook dit is nietigheid en ’n gejaag na die wind.
5 Die sot vou sy hande+ en eet sy eie vlees.+
6 ’n Hand vol rus is beter as ’n dubbele hand vol harde werk en ’n gejaag na die wind.+
7 En ek het teruggekeer sodat ek die nietigheid onder die son kon sien:
8 Daar bestaan een, maar nie ’n tweede nie;+ ook het hy geen seun of broer nie,+ maar daar is geen einde aan al sy harde werk nie. Ook kry sy oë nie genoeg van rykdom nie:+ “En vir wie werk ek hard en laat ek my siel dit aan goeie dinge ontbreek?”+ Ook dit is nietigheid, en dit is ’n rampspoedige bedrywigheid.+
9 Twee is beter as een,+ want hulle het ’n goeie beloning vir hulle harde werk.+
10 Want as een van hulle val, kan die ander sy metgesel ophelp.+ Maar hoe sal dit wees met net die een wat val wanneer daar nie ’n ander is om hom op te help nie?+
11 Wat meer is, as twee bymekaar lê, sal hulle ook beslis warm word; maar hoe kan net een warm bly?+
12 En as iemand een alleen sou kon oorweldig, sou twee saam teen hom kon staande bly.+ En ’n driedubbele tou kan nie gou in twee gebreek word nie.
13 ’n Behoeftige maar wyse kind+ is beter as ’n ou maar dwase koning+ wat nie genoeg te wete gekom het om hom nog langer te laat waarsku nie.+
14 Want hy het uit die gevangenis uitgegaan om koning te word,+ hoewel hy onder die koningskap van dié een as ’n arme gebore is.+
15 Ek het al die lewendes gesien wat onder die son rondloop, hoe dit gaan met die kind, wat tweede is, wat in die ander se plek opstaan.+
16 Daar is geen einde aan al die mense, aan almal voor wie hy hom bevind het nie;+ ook die mense daarna sal nie oor hom bly wees nie,+ want ook dit is nietigheid en ’n gejaag na die wind.+
