Psalm 103:1-22
Van Dawid.
103 Loof Jehovah, o my siel,+Ja, alles wat in my is, sy heilige naam.+
2 Loof Jehovah, o my siel,En moenie al sy dade vergeet nie,+
3 Hy wat al jou oortredings vergewe,+Wat al jou kwale genees,+
4 Wat jou lewe uit die kuil terugeis,+Wat jou met liefderyke goedhartigheid en barmhartighede kroon,+
5 Wat jou hele lewe met die goeie versadig;+Jou jeug word deurentyd vernuwe net soos dié van ’n arend.+
6 Jehovah volbring dade van regverdigheid+En regterlike beslissings vir almal wat te kort gedoen word.+
7 Hy het sy weë aan Moses bekend gemaak,+Sy handelinge ook aan die kinders van Israel.+
8 Jehovah is barmhartig en genadig,+Word nie gou toornig nie en is oorvloedig in liefderyke goedhartigheid.+
9 Hy sal nie vir altyd verwyt nie,+Ook sal hy nie tot onbepaalde tyd gebelg bly nie.+
10 Hy het nie met ons gehandel volgens ons sondes nie;+Ook het hy nie volgens ons oortredings oor ons gebring wat ons verdien nie.+
11 Want soos die hemel hoër is as die aarde,+Is sy liefderyke goedhartigheid groter teenoor dié wat hom vrees.+
12 So ver as die sonsopgang verwyderd is van die sonsondergang,+So ver het hy ons oortredings van ons verwyder.+
13 Soos ’n vader barmhartigheid aan sy kinders bewys,+Het Jehovah barmhartigheid bewys aan dié wat hom vrees.+
14 Want hy weet goed hoe ons gevorm is,+Gedagtig dat ons stof is.+
15 Wat die sterflike mens betref, sy dae is soos dié van groen gras;+Soos ’n bloeisel van die veld, so bloei hy.+
16 Want net ’n wind hoef daaroor te gaan, en dit is nie meer nie;+En sy plek sal hom nie meer erken nie.+
17 Maar die liefderyke goedhartigheid van Jehovah is van onbepaalde tyd, ja, tot onbepaalde tyd+Teenoor dié wat hom vrees,+En sy regverdigheid vir die kindskinders,+
18 Teenoor dié wat sy verbond hou+En teenoor dié wat aan sy bevele dink om dit uit te voer.+
19 Jehovah het sy troon stewig gevestig in die hemel;+En oor alles het sy koningskap heerskappy gevoer.+
20 Loof Jehovah, o sy engele,+ magtig in krag, wat sy woord uitvoer,+Deur na die stem van sy woord te luister.+
21 Loof Jehovah, al sy leërs,+Sy dienaars, wat sy wil doen.+
22 Loof Jehovah, al sy werke,+Op al die plekke van sy heerskappy.+Loof Jehovah, o my siel.+
