Psalm 109:1-31
Vir die musiekleier. Van Dawid. ’n Melodie.
109 O God van my lof,+ moenie stilbly nie.+
2 Want die mond van die goddelose en die mond van bedrog het teen my oopgegaan.+Hulle het met ’n leuenagtige tong van my gepraat;+
3 En met woorde van haat het hulle my omring,+En hulle bly sonder oorsaak teen my veg.+
4 Vir my liefde bly hulle my teëstaan;+Maar van my kant is daar gebed.+
5 En hulle vergeld my kwaad vir goed+En haat vir my liefde.+
6 Stel ’n goddelose oor hom aan,En laat ’n teenstander+ aan sy regterhand bly staan.
7 Laat hom as ’n goddelose uitgaan wanneer hy geoordeel word;En laat sy gebed sonde word.+
8 Laat sy dae min wees;+Laat iemand anders sy opsienersamp neem.+
9 Laat sy seuns vaderlose seuns word+En sy vrou ’n weduwee.+
10 En laat sy seuns vir seker ronddwaal;+En hulle sal bedel,En hulle sal vanuit hulle verlate plekke voedsel soek.+
11 Laat die woekeraar valstrikke span vir alles wat hy het,+En laat vreemdelinge+ die vrug van sy geswoeg plunder.+
12 Laat hom niemand hê wat liefderyke goedhartigheid bewys nie,+En laat daar niemand wees wat aan sy vaderlose seuns guns betoon nie.
13 Laat sy nageslag vir uitroeiing wees.+Laat hulle naam in die volgende geslag uitgewis word.+
14 Laat die oortreding van sy voorvaders voor Jehovah in herinnering gebring word,+En die sonde van sy moeder+—laat dit nie uitgewis word nie.+
15 Laat dit voortdurend voor Jehovah wees;+En laat hy die gedagtenis aan hulle van die aarde af uitroei;+
16 Omdat hy nie daaraan gedink het om liefderyke goedhartigheid te bewys nie,+Maar die geteisterde en arme bly vervolg het,+En die terneergedrukte van hart, om hom dood te maak.+
17 En hy het die vervloeking+ liefgehad, sodat dit oor hom gekom het;+En hy het nie behae geskep in die seën nie,+Sodat dit ver van hom af gebly het;+
18 En hy is beklee met vervloeking as sy kleed.+Dit het dus soos waters in sy binneste gekom+En soos olie in sy gebeente.
19 Laat dit vir hom wees soos ’n kleed waarmee hy hom omhul+En soos ’n gordel wat hy om hom gegord hou.+
20 Dít is die loon wat van Jehovah kom vir die een wat my teëstaan+En vir dié wat kwaad teen my siel spreek.+
21 Maar u is Jehovah, die Soewereine+ Heer.Handel met my ter wille van u naam.+Omdat u liefderyke goedhartigheid goed is—verlos+ my.
22 Want ek is geteisterd en arm,+En my hart is deurboor in my.+
23 Soos ’n skaduwee wanneer dit lank word, moet ek heengaan;+Ek is afgeskud soos ’n sprinkaan.
24 My knieë het geknak van die gevas,+En my vlees het maer geword, sonder enige olie.+
25 En vir hulle het ek iets smadeliks geword.+Hulle sien my—hulle begin hulle kop skud.+
26 Help my, o Jehovah my God;+Red my ooreenkomstig u liefderyke goedhartigheid.+
27 En laat hulle weet dat dit u hand is;+Dat u, o Jehovah, dit gedoen het.+
28 Laat húlle ’n vloek uitspreek.+Maar mag ú ’n seën uitspreek.+Hulle het opgestaan, maar laat hulle beskaamd word,+En laat u kneg bly wees.+
29 Laat dié wat my teëstaan, met vernedering beklee word,+En laat hulle hulle met hulle skaamte omhul soos met ’n moulose oorkleed.+
30 Ek sal Jehovah grootliks prys met my mond,+En onder baie mense sal ek hom loof.+
31 Want hy sal aan die regterhand van die arme staan,+Om hom te red van dié wat sy siel oordeel.
