Psalm 19:1-14
Vir die musiekleier. ’n Melodie van Dawid.
19 Die hemele maak die heerlikheid van God bekend;+En die uitspansel verkondig die werk van sy hande.+
2 Die een dag na die ander dag laat spraak uitborrel,+En die een nag na die ander nag openbaar kennis.+
3 Daar is geen spraak en daar is geen woorde nie;Geen stem van hulle kant word gehoor nie.+
4 Oor die hele aarde het hulle meetsnoer uitgegaan,+En hulle woorde tot aan die einde van die vrugbare land.+In hulle het hy ’n tent vir die son geplaas,+
5 En dié is soos ’n bruidegom wanneer hy uit sy bruidskamer kom;+Hy verheug hom net soos ’n sterk man wanneer hy op ’n pad hardloop.+
6 Van die een einde van die hemel is sy uitgang,En sy voltooide kring reik tot aan die ander eindes daarvan;+En niks is verborge vir sy hitte nie.+
7 Die wet+ van Jehovah is volmaak;+ dit bring die siel terug.+Die herinnering+ van Jehovah is betroubaar;+ dit maak die onervarene wys.+
8 Die bevele+ van Jehovah is reg;+ hulle maak die hart bly;+Die gebod+ van Jehovah is rein;+ dit laat die oë straal.+
9 Die vrees+ van Jehovah is suiwer; dit hou vir ewig stand.Die regterlike beslissings+ van Jehovah is waar;+ tesame is hulle regverdig.+
10 Hulle is begeerliker as goud, ja, as goed gelouterde goud;+En soeter as heuning+ en die vloeiende heuning van die koeke.+
11 Ook is u kneg daardeur gewaarsku;+In die onderhouding daarvan is ’n groot beloning.+
12 Foute—wie kan hulle onderskei?+Verklaar my onskuldig aan verborge sondes.+
13 Hou u kneg ook terug van vermetele dade;+Laat hulle nie oor my heers nie.+Dan sal ek volkome wees,+En ek sal onskuldig gebly het aan baie oortredings.
14 Laat die woorde van my mond en die bepeinsing van my hart+Aangenaam word voor u, o Jehovah, my Rots+ en my Verlosser.+
