Psalm 33:1-22
33 Roep met vreugde uit, o regverdiges, weens Jehovah.+Lof is gepas van die kant van die regskapenes.+
2 Betuig dank aan Jehovah op die harp;+Speel melodieë vir hom op ’n tiensnarige instrument.+
3 Sing ’n nuwe lied tot hom;+Speel so goed as julle kan op die snaarinstrumente tesame met gejuig.+
4 Want die woord van Jehovah is reg,+En al sy werk geskied in getrouheid.+
5 Hy het regverdigheid en geregtigheid lief.+Die aarde is vol van die liefderyke goedhartigheid van Jehovah.+
6 Deur die woord van Jehovah is die hemele gemaak,+En deur die gees van sy mond hulle hele leër.+
7 Hy versamel die waters van die see soos deur ’n dam+En plaas die bruisende waters in skatkamers.
8 Laat almal op die aarde Jehovah vrees.+Laat al die bewoners van die vrugbare land vir hom bang wees.+
9 Want hy het gespreek, en dit was so;+Hy het bevel gegee, en dit het so gestaan.+
10 Jehovah het die raad van die nasies verbreek;+Hy het die gedagtes van die volke verydel.+
11 Die raad van Jehovah sal tot onbepaalde tyd standhou;+Die gedagtes van sy hart is van geslag tot geslag.+
12 Gelukkig is die nasie wie se God Jehovah is,+Die volk wat hy as sy erfdeel uitgekies het.+
13 Vanuit die hemel het Jehovah gekyk,+Hy het al die mensekinders gesien.+
14 Vanuit die vaste plek waar hy woon,+Het hy sy blik gerig op almal wat op die aarde woon.
15 Hy vorm die hart van hulle almal;+Hy let op al hulle werke.+
16 Geen koning word deur die oorvloed van krygsmagte gered nie;+’n Sterk man word nie deur die oorvloed van krag verlos nie.+
17 Vir redding is die perd net bedrog,+En deur die oorvloed van sy lewenskragtigheid verskaf hy geen ontkoming nie.+
18 Kyk! Die oog van Jehovah is op dié wat hom vrees,+Op dié wat op sy liefderyke goedhartigheid wag,+
19 Om hulle siel van die dood te verlos,+En om hulle tydens hongersnood in die lewe te hou.+
20 Ja, ons siel het op Jehovah gewag.+Ons helper en ons skild is hy.+
21 Want in hom is ons hart bly;+Want in sy heilige naam het ons ons vertroue gestel.+
22 Laat u liefderyke goedhartigheid, o Jehovah, oor ons wees,+Net soos ons op u bly wag het.+
