Psalm 37:1-40
Van Dawid.
א [ʼAʹlef]
37 Moenie driftig wees oor die kwaaddoeners nie.+Moenie afgunstig wees op dié wat onregverdigheid bedryf nie.+
2 Want soos gras sal hulle gou verdor,+En soos groen, nuwe gras sal hulle verwelk.+
ב [Bet]
3 Vertrou op Jehovah en doen wat goed is;+Bewoon die aarde en handel met getrouheid.+
4 Verlustig jou ook in Jehovah,+En hy sal jou die versoeke van jou hart gee.+
ג [Giʹmel]
5 Laat jou weg aan Jehovah oor+En verlaat jou op hom,+ en hy sal optree.+
6 En hy sal beslis jou regverdigheid te voorskyn laat kom soos die lig,+En jou geregtigheid soos die middag.+
ד [Daʹlet]
7 Swyg voor Jehovah+En wag vol verlange op hom.+Moenie driftig wees oor enigiemand wat sy weg suksesvol maak nie,+Oor die man wat sy idees uitvoer nie.+
ה [Heʼ]
8 Laat staan die toorn en laat vaar die woede;+Moenie driftig wees nie; dit is net om kwaad te doen.+
9 Want die kwaaddoeners sal uitgeroei word,+Maar dié wat op Jehovah hoop, hulle sal die aarde besit.+
ו [Wau]
10 En nog net ’n klein rukkie en die goddelose sal daar nie meer wees nie;+En jy sal beslis ag gee op sy plek, en hy sal daar nie wees nie.+
11 Maar die sagmoediges sal die aarde besit,+En hulle sal hulle inderdaad verlustig in die oorvloed van vrede.+
ז [Saʹjin]
12 Die goddelose smee komplotte teen die regverdige,+En hy kners sy tande teen hom.+
13 Jehovah sal hom uitlag,+Want hy sien beslis dat sy dag sal kom.+
ח [Get]
14 Die goddeloses het ’n swaard getrek en het hulle boog gespan+Om die geteisterde en arme te laat val,+Om dié dood te maak wat regskape is in hulle weg.+
15 Hulle eie swaard sal in hulle hart gaan,+En hulle boë sal gebreek word.+
ט [Tet]
16 Die bietjie van die regverdige is beter+As die oorvloed van baie goddeloses.+
17 Want die arms van die goddeloses sal verbreek word,+Maar Jehovah sal die regverdiges ondersteun.+
י [Jod]
18 Jehovah ken die dae van die onberispelikes,+En hulle erfdeel sal tot onbepaalde tyd bly.+
19 Hulle sal nie in die tyd van rampspoed beskaamd staan nie,+En in die dae van hongersnood sal hulle versadig word.+
כ [Kaf]
20 Want die goddeloses sal vergaan,+En die vyande van Jehovah sal soos die kosbaarheid van die weivelde wees;Hulle sal aan hulle einde kom.+ In rook sal hulle aan hulle einde kom.+
ל [Laʹmed]
21 Die goddelose leen en betaal nie terug nie,+Maar die regverdige betoon guns en gee geskenke.+
22 Want dié wat deur hom geseën word, sal die aarde besit,+Maar dié oor wie hy ’n vloek uitspreek, sal uitgeroei word.+
מ [Mem]
23 Deur Jehovah is die voetstappe van ’n man berei,+En in sy weg skep Hy behae.+
24 Al val hy, sal hy nie neergeslinger word nie,+Want Jehovah ondersteun sy hand.+
נ [Noen]
25 Ek was eens ’n jong man, ook het ek oud geword,+En tog het ek geen regverdige heeltemal verlate gesien+Of dat sy nageslag brood soek nie.+
26 Die hele dag betoon hy guns en leen hy uit,+En so kom sy nageslag in aanmerking vir ’n seën.+
ס [Saʹmek]
27 Wyk af van wat sleg is en doen wat goed is,+En woon so tot onbepaalde tyd.+
28 Want Jehovah het geregtigheid lief,+En hy sal sy lojales nie verlaat nie.+
ע [ʽAʹjin]Tot onbepaalde tyd sal hulle beslis bewaar word;+Maar wat die nageslag van die goddeloses betref, hulle sal inderdaad uitgeroei word.+
29 Die regverdiges sal die aarde besit,+En hulle sal vir ewig daarop woon.+
פ [Peʼ]
30 Die mond van die regverdige spreek wysheid op gedempte toon uit,+En sy tong spreek wat reg is.+
31 Die wet van sy God is in sy hart;+Sy voetstappe sal nie wankel nie.+
צ [Sadeʹ]
32 Die goddelose is op die loer vir die regverdige+En is daarop uit om hom dood te maak.+
33 Wat Jehovah betref, hy sal hom nie aan sy hand oorlaat nie,+En hy sal hom nie goddeloos verklaar wanneer hy geoordeel word nie.+
ק [Kof]
34 Hoop op Jehovah en hou sy weg,+En hy sal jou verhef om die aarde in besit te neem.+Wanneer die goddeloses uitgeroei word, sal jy dit sien.+
ר [Resj]
35 Ek het gesien dat die goddelose ’n tiran is+En dat hy hom uitbrei soos ’n blaarryke boom op eie bodem.+
36 En tog het hy verdwyn, en kyk, hy was daar nie;+En ek het hom bly soek, en hy is nie gevind nie.+
ש [Sjin]
37 Gee ag op die onberispelike en kyk na die regskapene,+Want die toekoms van dié man sal vreedsaam wees.+
38 Maar die oortreders sal beslis saam verdelg word;+Die toekoms van die goddeloses sal inderdaad afgesny word.+
ת [Tau]
39 En die redding van die regverdiges kom van Jehovah;+Hy is hulle vesting in die tyd van benoudheid.+
40 En Jehovah sal hulle help en aan hulle ontkoming verskaf.+Hy sal aan hulle ontkoming verskaf van die goddeloses en hulle red,+Omdat hulle hulle toevlug tot hom geneem het.+
