Psalm 38:1-22
’n Melodie van Dawid, om in herinnering te bring.
38 O Jehovah, moet my nie in u verontwaardiging teregwys+Of my in u woede bestraf nie.+
2 Want u pyle het diep in my ingedring,+En op my het u hand neergedaal.+
3 Daar is geen gesonde plek aan my vlees weens u veroordeling nie.+Daar is geen vrede in my gebeente weens my sonde nie.+
4 Want my eie oortredings het oor my hoof gegaan;+Soos ’n swaar vrag is hulle vir my te swaar.+
5 My wonde het begin stink, hulle het gesweer,Weens my dwaasheid.+
6 Ek het ontsteld geraak, ek het my baie laag neergebuig;+Die hele dag het ek bedroef rondgeloop.+
7 Want my lendene brand oral,En daar is geen gesonde plek aan my vlees nie.+
8 Ek is lamgeslaan en erg verbryseld;Ek het gebrul weens die gekreun van my hart.+
9 O Jehovah, voor u is al my begeertes,En my gesug is vir u nie verborge nie.+
10 My hart het gebons, my krag het my verlaat,En die lig van my oë is ook nie by my nie.+
11 Dié wat my liefhet en my metgeselle is, bly ver van my plaag af staan,+En dié wat my goed ken, het op ’n afstand gestaan.+
12 Maar dié wat my siel soek, span valstrikke,+En dié wat hulle vir my rampspoed beywer, het van teëspoed gepraat,+En die hele dag bly hulle bedrog mompel.+
13 Wat my betref, soos ’n dowe het ek nie geluister nie;+En soos ’n stomme het ek my mond nie oopgemaak nie.+
14 En ek het geword soos ’n man wat nie hoor nie,En in my mond was daar geen teenargumente nie.
15 Want op u, o Jehovah, het ek gewag;+U het geantwoord, o Jehovah my God.+
16 Want ek het gesê: “Anders sal hulle bly wees oor my;+Wanneer my voet wankel,+ sal hulle hulle beslis baie groot hou teen my.”+
17 Want ek het op die punt gestaan om mank te word,+En my pyn was voortdurend voor my.+
18 Want ek het my eie oortreding bekend gemaak;+Ek het my begin kwel oor my sonde.+
19 En my vyande wat lewe, het magtig geword,+En dié wat my sonder rede haat, het talryk geword.+
20 En hulle het my kwaad vir goed vergeld;+Hulle het my bly teëstaan omdat ek die goeie nastreef.+
21 Moet my nie verlaat nie, o Jehovah.O my God, moenie ver van my af bly nie.+
22 Snel my tog te hulp,+O Jehovah, my redding.+
