Psalm 69:1-36
Vir die musiekleier, op “Die Lelies”.+ Van Dawid.
69 Red my, o God, want die waters het tot by die siel gekom.+
2 Ek het in diep modder weggesink, waar daar geen grond is om op te staan nie.+Ek het in diep waters gekom,En ’n vloeiende stroom het my weggespoel.+
3 Ek het moeg geword vanweë my geroep;+My keel het hees geword.My oë het ingegee terwyl ek op my God gewag het.+
4 Dié wat my sonder oorsaak haat, het selfs meer as die hare van my kop geword.+Dié wat my tot swye bring, wat sonder rede my vyande is, het talryk geword.+Wat ek nie deur roof geneem het nie, het ek toe teruggegee.
5 O God, u het my dwaasheid te wete gekom,En my skuld is vir u nie verborge nie.+
6 Laat dié wat op u hoop, tog nie weens my beskaamd staan nie,+O Soewereine Heer, Jehovah van die leërs.+Laat dié wat u soek, tog nie weens my verneder word nie,+O God van Israel.+
7 Want weens u het ek smaad gedra,+Vernedering het my aangesig bedek.+
8 Vir my broers het ek iemand geword wat vervreemd is,+En ’n uitlander vir die seuns van my moeder.+
9 Want louter ywer vir u huis het my verteer,+En die smaadhede van dié wat u smaad, het op my geval.+
10 En ek het gehuil saam met die gevas van my siel,+Maar dit het smaadhede vir my geword.+
11 Toe ek saklinne my klere gemaak het,Het ek vir hulle ’n spreekwoord geword.+
12 Dié wat in die poort sit, het hulle aandag op my begin rig,+En ek was die onderwerp van die liedjies van dié wat sterk drank drink.+
13 Maar wat my betref, my gebed was tot u, o Jehovah,+In ’n aanneemlike tyd, o God.+Antwoord my, in die oorvloed van u liefderyke goedhartigheid, met die waarheid van redding deur u.+
14 Bevry my uit die modder, sodat ek nie wegsink nie.+Laat my tog bevry word van my haters+ en uit die diep waters.+
15 Laat die vloeiende waterstroom my tog nie wegspoel+Of die diepte my verswelgOf die put sy mond bo my sluit nie.+
16 Antwoord my, o Jehovah, want u liefderyke goedhartigheid is goed.+Wend u tot my volgens die veelheid van u barmhartighede,+
17 En moet u aangesig nie vir u kneg verberg nie.+Antwoord my gou, omdat ek in groot nood verkeer.+
18 Kom tog naby my siel, eis dit terug;+Verlos my weens my vyande.+
19 U het my smaad en my skaamte en my vernedering te wete gekom.+Almal wat my vyandiggesind is, is voor u.+
20 Smaad het my hart gebreek, en die wond is ongeneeslik.+En ek het bly hoop op iemand wat simpatie sou toon, maar daar was niemand;+En op vertroosters, maar ek het nie een gevind nie.+
21 Maar as voedsel het hulle vir my ’n gifplant gegee,+En vir my dors wou hulle my asyn laat drink.+
22 Laat hulle tafel voor hulle ’n val word,+En wat vir hulle welsyn is, ’n strik.+
23 Laat hulle oë verduisterd word om nie te sien nie;+En laat hulle heupe voortdurend wankel.+
24 Stort u veroordeling oor hulle uit,+En laat u brandende toorn hulle inhaal.+
25 Laat hulle ommuurde kamp woes word;+Laat daar in hulle tente geen bewoner wees nie.+
26 Want hulle het die een vervolg wat deur u geslaan is,+En hulle bly vertel van die pyne van dié wat deur u deurboor is.
27 Voeg tog oortreding by hulle oortreding,+En laat hulle nie in u regverdigheid kom nie.+
28 Laat hulle uit die boek van die lewendes uitgewis word,+En laat hulle nie saam met die regverdiges ingeskryf word nie.+
29 Maar ek is geteisterd en in pyn.+Laat u redding, o God, my beskerm.+
30 Ek sal die naam van God met ’n lied loof,+En ek sal hom met danksegging groot maak.+
31 Dít sal vir Jehovah ook welgevalliger wees as ’n bul,+As ’n jong bul met horings en gesplete hoewe.+
32 Die sagmoediges sal dit beslis sien; hulle sal bly wees.+Julle wat God soek, laat julle hart ook bly lewe.+
33 Want Jehovah luister na die armes,+En hy sal sy gevangenes inderdaad nie verag nie.+
34 Laat hemel en aarde hom loof,+Die seë en alles wat daarin beweeg.+
35 Want God sal Sion red+En die stede van Juda bou;+En hulle sal beslis daar woon en dit in besit neem.+
36 En die nageslag van sy knegte sal dit beërf,+En dié wat sy naam liefhet, sal daarin woon.+
