Psalm 71:1-24
71 Tot u, o Jehovah, het ek my toevlug geneem.+Laat my tog nooit beskaamd staan nie.+
2 Mag u my in u regverdigheid verlos en aan my ontkoming verskaf.+Neig u oor tot my en red my.+
3 Word vir my ’n rotsvesting waar ek voortdurend kan ingaan.+U moet bevel gee om my te red,+Want u is my groot rots en my vesting.+
4 O my God, verskaf aan my ontkoming uit die hand van die goddelose,+Uit die palm van die een wat onreg pleeg en verdruk.+
5 Want u is my hoop,+ o Soewereine Heer Jehovah, my vertroue van my jeug af.+
6 Op u het ek gesteun van die moederskoot af;+U is die Een wat my selfs van die liggaam van my moeder geskei het.+In u is my lof voortdurend.+
7 Ek het vir baie mense net soos ’n wonderwerk geword;+Maar u is my sterk toevlug.+
8 My mond is vol van u lof,+Die hele dag deur vol van u luisterrykheid.+
9 Moet my nie wegwerp in die tyd van die ouderdom nie;+Moet my nie verlaat juis wanneer my krag ingee nie.+
10 Want my vyande het van my gesê,+En dié wat op die loer is vir my siel, het saam raad gehou+
11 En gesê: “God het hom verlaat.+Agtervolg en vang hom, want daar is geen verlosser nie.”+
12 O God, moenie ver van my af bly nie.+O my God, snel my tog te hulp.+
13 Laat dié wat my siel teëstaan, beskaamd word, laat hulle aan hulle einde kom.+Laat dié wat rampspoed vir my soek, hulleself met smaad en vernedering bedek.+
14 Maar wat my betref, ek sal voortdurend wag,+En ek sal al u lof vermeerder.
15 My mond sal u regverdigheid verkondig,+Die hele dag u redding,+Want ek het hulle getal nie te wete gekom nie.+
16 Ek sal in grootse mag kom,+ o Soewereine+ Heer Jehovah;Ek sal u regverdigheid vermeld, dié van u alleen.+
17 O God, u het my van my jeug af geleer,+En tot nou toe bly ek u wonderlike werke verkondig.+
18 En selfs tot die ouderdom en grysheid toe, o God, moet u my nie verlaat nie,+Totdat ek vir die geslag van u arm kan vertel,+Vir almal wat sal kom, van u mag.+
19 U regverdigheid, o God, is tot in die hoogte;+Wat die groot dinge betref wat u gedoen het,+O God, wie is soos u?+
20 Omdat u my baie benoudhede en rampspoede laat sien het+—Maak my tog weer lewend;+En laat my weer uit die waterdieptes van die aarde opkom.+
21 Mag u my grootheid vermeerder,+En mag u my omring en vertroos.+
22 Ook ek, ek sal u op ’n snaarinstrument prys,+Weens u waaragtigheid, o my God.+Ek sal u met melodieë op die harp besing, o Heilige van Israel.+
23 My lippe sal met vreugde uitroep wanneer ek u met melodieë wil besing,+Ja, my siel, wat u verlos het.+
24 Ook sal my tong die hele dag u regverdigheid op gedempte toon uitspreek,+Want hulle wat rampspoed vir my soek, het beskaamd gestaan, want hulle het verleë geword.+
