Psalm 76:1-12
Vir die musiekleier, op snaarinstrumente. ’n Melodie. Van Asaf.+ ’n Lied.
76 God is bekend in Juda;+Sy naam is groot in Israel.+
2 En sy plek van beskutting is in Salem+En sy woonplek in Sion.+
3 Daar het hy die vlammende pyle van die boog verbreek,+Die skild en die swaard en die stryd.+ Sela.
4 U is met lig omhul, majestueuser as die roofberge.+
5 Die sterkes van hart is geplunder,+Hulle het ingesluimer en aan die slaap geraak,+En geeneen van al die dapper manne het hulle hande gevind nie.+
6 Weens u bestrawwing, o God van Jakob, het die strydwadrywer sowel as die perd vas aan die slaap geraak.+
7 U—vreesinboesemend is u,+En wie kan voor u standhou weens die sterkte van u toorn?+
8 Uit die hemel het u die regstryd laat hoor;+Die aarde het gevrees en stil geword+
9 Toe God opgestaan het vir die oordeel,+Om al die sagmoediges van die aarde te red.+ Sela.
10 Want die woede van die mens sal u prys;+Met die res van die woede sal u u omgord.
11 Doen geloftes en betaal dit aan Jehovah julle God, almal wat rondom hom is.+Laat hulle in vrees ’n geskenk bring.+
12 Hy sal die gees van leiers verneder;+Vreesinboesemend is hy vir die konings van die aarde.+
