Psalm 81:1-16
Vir die musiekleier, op die Gittit.+ Van Asaf.
81 O ROEP met vreugde uit tot God, ons sterkte;+Roep die God van Jakob triomfantlik toe.+
2 Hef ’n melodie aan+ en neem ’n tamboeryn,+Die lieflike harp tesame met die snaarinstrument.+
3 BLAAS die horing op nuwemaan;+Op volmaan, vir ons feesdag.+
4 Want dit is ’n voorskrif vir Israel,+’n Regterlike beslissing van die God van Jakob.
5 As ’n herinnering het hy dit aan Josef opgelê+Toe hy oor Egipteland uitgetrek het.+’n Taal wat ek nie geken het nie, het ek bly hoor.+
6 “Ek het sy skouer onder die las laat uitkom;+Sy hande het vry geword van die mandjie.+
7 In benoudheid het jy geroep, en ek het jou gered;+Ek het jou in die skuilplek van die donder begin antwoord.+Ek het jou by die waters van Meʹriba ondersoek.+ Sela.
8 Hoor, o my volk, en ek sal teen jou getuig,+O Israel, as jy na my sal luister.+
9 Onder jou sal daar geen vreemde god wees nie;+En jy sal jou nie voor ’n uitlandse god neerbuig nie.+
10 Ek, Jehovah, is jou God,+Die Een wat jou uit Egipteland laat optrek het.+Maak jou mond wyd oop, en ek sal dit vul.+
11 Maar my volk het nie na my stem geluister nie;+En Israel het geen gewilligheid teenoor my getoon nie.+
12 En daarom het ek hulle laat gaan in die wederstrewigheid van hulle hart;+Hulle het in hulle eie planne gewandel.+
13 Ag, as my volk maar na my wou luister,+Ag, as Israel maar in my weë wou wandel!+
14 Hulle vyande sou ek maklik onderwerp,+En teen hulle teenstanders sou ek my hand rig.+
15 Wat dié betref wat Jehovah intens haat, hulle sal kruipend na hom toe kom,+En hulle tyd sal tot onbepaalde tyd wees.
16 En hy sal hom deurentyd van die vet van die koring laat eet,+En uit die rots sal ek jou met heuning versadig.”+
