Psalm 88:1-18
’n Lied, ’n melodie van die kinders van Korag. Vir die musiekleier oor Mahalat, vir wisselsang. Maskil van Heman,+ die Esrahiet.
88 O Jehovah, die God van my redding,+Bedags het ek uitgeroep,+Ook snags voor u.+
2 Voor u sal my gebed kom.+Neig u oor tot my smekende geroep.+
3 Want my siel het genoeg gehad van rampspoed,+En my lewe het selfs met Sjeool in aanraking gekom.+
4 Ek is gereken onder dié wat na die kuil afdaal;+Ek het soos ’n man sonder krag geword,+
5 Vrygelaat onder die dooies,+Soos gesneuweldes wat in die graf lê,+Aan wie u nie meer gedink het nieEn wat van u helpende hand afgesny is.+
6 U het my in ’n kuil van die onderste dieptes gesit,In donker plekke, in ’n groot afgrond.+
7 U woede rus swaar op my,+En met al u branders het u my geteister.+ Sela.
8 U het my kennisse ver van my verwyder;+U het my baie verfoeilik vir hulle gemaak.+Ek is opgesluit en kan nie uitkom nie.+
9 My oog het weggekwyn weens my ellende.+Ek het u, o Jehovah, die hele dag aangeroep;+Na u het ek my palms uitgestrek.+
10 Sal u vir die dooies ’n wonder doen?+Of sal dié wat magteloos is in die dood, opstaan,+Sal hulle u prys?+ Sela.
11 Sal u liefderyke goedhartigheid in die graf bekend gemaak word,U getrouheid in die plek van vernietiging?+
12 Sal ’n wonder van u in die duisternis bekend word,+Of u regverdigheid in die land van vergetelheid?+
13 En tog het ek tot u, o Jehovah, om hulp geroep,+En in die oggend kom my gebed u voortdurend tegemoet.+
14 Waarom, o Jehovah, verstoot u my siel?+Waarom verberg u u aangesig vir my?+
15 Ek is geteisterd en sterwend van my seunsjare af;+Ek het skrikwekkende dinge wat van u kom, in groot mate gedra.+
16 U flitse van brandende toorn het oor my gegaan;+Verskrikkinge wat van u kom, het my tot swye gebring.+
17 Hulle het my die hele dag soos waters omring;+Hulle het my almal tegelyk omsluit.
18 U het vriend en metgesel ver van my verwyder;+My kennisse is ’n donker plek.+
