Psalm 9:1-20
Vir die musiekleier, op Mut-Labben. ’n Melodie van Dawid.
א [ʼAʹlef]
9 Ek sal u prys, o Jehovah, met my hele hart;+Ek sal al u wonderlike werke bekend maak.+
2 Ek sal bly wees en jubel in u,+Ek sal u naam met melodieë besing, o Allerhoogste.+
ב [Bet]
3 Wanneer my vyande terugdraai,+Sal hulle struikel en voor u vergaan.+
4 Want u het my reg en my regsaak behartig;+U het op die troon gesit en met regverdigheid reggespreek.+
ג [Giʹmel]
5 U het nasies bestraf,+ u het die goddelose vernietig.+Hulle naam het u tot onbepaalde tyd uitgewis, ja, vir ewig.+
6 O vyand, jou verwoestings het vir altyd tot ’n einde gekom,+En die stede wat u uitgeruk het.+Selfs die vermelding van hulle sal beslis vergaan.+
ה [Heʼ]
7 Wat Jehovah betref, hy sal tot onbepaalde tyd sit+En sy troon stewig vestig vir die oordeel.+
8 En hy sal die vrugbare land oordeel in regverdigheid;+Hy sal volksgroepe geregtelik verhoor in geregtigheid.+
ו [Wau]
9 En Jehovah sal ’n veilige hoogte vir die verbryselde word,+’n Veilige hoogte in tye van benoudheid.+
10 En dié wat u naam ken, sal op u vertrou,+Want u sal dié wat u soek, beslis nie verlaat nie, o Jehovah.+
ז [Saʹjin]
11 BESING Jehovah, wat in Sion woon,+ met melodieë;Verkondig onder die volke sy dade.+
12 Want wanneer hy na bloedvergieting soek,+ sal hy beslis aan húlle dink;+Hy sal die geroep van die geteisterdes gewis nie vergeet nie.+
ח [Get]
13 Betoon guns aan my, o Jehovah; sien my ellende vanweë my haters,+O u wat my uit die poorte van die dood ophef,+
14 Sodat ek al u lofwaardige dade bekend kan maak+In die poorte+ van die dogter van Sion,+Sodat ek bly kan wees in u redding.+
ט [Tet]
15 Die nasies het weggesink in die kuil wat hulle gemaak het;+In die net+ wat hulle verberg het, is hulle eie voet gevang.+
16 Jehovah word geken aan die oordeel wat hy voltrek het.+Die goddelose is deur die werk van sy eie hande verstrik.+Higgajon. Sela.
י [Jod]
17 Die goddeloses+ sal terugdraai na Sjeool,+Ja, al die nasies wat God vergeet.+
18 Want die arme sal nie vir altyd vergeet word nie,+Ook sal die hoop van die sagmoediges nooit vergaan nie.+
כ [Kaf]
19 Staan tog op, o Jehovah! Laat die sterflike mens nie sterker wees nie.+Laat die nasies voor u aangesig geoordeel word.+
20 Boesem tog vrees by hulle in, o Jehovah,+Sodat die nasies kan weet dat hulle maar net sterflike mense is.+ Sela.
