Psalm 98:1-9
’n Melodie.
98 SING tot Jehovah ’n nuwe lied,+Want wonderbaar is die dinge wat hy gedoen het.+Sy regterhand, ja, sy heilige arm, het vir hom redding verkry.+
2 Jehovah het sy redding bekend gemaak;+Voor die oë van die nasies het hy sy regverdigheid geopenbaar.+
3 Hy het gedink aan sy liefderyke goedhartigheid en sy getrouheid aan die huis van Israel.+Al die eindes van die aarde het die redding deur ons God gesien.+
4 Roep Jehovah triomfantlik toe, alle bewoners van die aarde.+Wees vrolik en roep met vreugde uit en sing melodieë.+
5 Sing melodieë tot Jehovah met die harp,+Met die harp en die stem van die melodie.+
6 Met die trompette en die geluid van die horing+Moet julle triomfantlik uitroep voor die Koning, Jehovah.
7 Laat die see donder en alles wat dit vul,+Die vrugbare land en dié wat daarop woon.+
8 Laat die riviere hulle hande klap;Laat die berge tesame met vreugde uitroep+
9 Voor Jehovah, want hy het gekom om die aarde te oordeel.+Hy sal die vrugbare land met regverdigheid oordeel+En die volke in geregtigheid.+
