Romeine 14:1-23
14 Verwelkom die persoon wat swakhede+ in sy geloof het, maar nie om beslissings oor innerlike+ twyfelvrae te neem nie.
2 Een persoon het geloof om alles te eet,+ maar die persoon wat swak is, eet groente.
3 Laat die een wat eet, nie neersien op die een wat nie eet nie,+ en laat die een wat nie eet nie, die een wat eet, nie oordeel nie, want God het hom verwelkom.
4 Wie is jy om ’n ander se huiskneg te oordeel?+ Hy staan of val ten opsigte van sy eie heer.+ Trouens, hy sal staande gehou word, want Jehovah kan hom staande hou.+
5 Die een persoon oordeel dat die een dag bo die ander is;+ ’n ander oordeel dat die een dag gelyk aan al die ander is;+ laat elkeen heeltemal oortuig wees in sy eie verstand.
6 Hy wat die dag hou, hou dit vir Jehovah. En hy wat eet, eet vir Jehovah,+ want hy dank God;+ en hy wat nie eet nie, eet nié vir Jehovah,+ en tog dank hy God.+
7 Trouens, niemand van ons lewe net vir homself nie,+ en niemand sterf net vir homself nie;
8 want as ons lewe, lewe ons vir Jehovah,+ en ook as ons sterf, sterf ons vir Jehovah.+ Of ons dan lewe en of ons sterf, ons behoort aan Jehovah.+
9 Want hiervoor het Christus gesterf en weer lewend geword,+ om Here oor die dooies+ sowel as die lewendes+ te wees.
10 Maar waarom oordeel jy jou broer?+ Of waarom sien jy ook neer op jou broer? Want ons sal almal voor die regterstoel+ van God staan;
11 want daar staan geskrywe: “‘So waar as ek lewe’, sê Jehovah,+ ‘voor my sal elke knie buig, en elke tong sal God openlik erken.’”+
12 So sal elkeen van ons dan vir homself aan God rekenskap gee.+
13 Laat ons mekaar dus nie langer oordeel nie,+ maar neem liewer hierdie besluit:+ om ’n broer+ nie ’n struikelblok+ of iets wat hom kan laat val, in die weg te lê nie.
14 Ek weet en is daarvan oortuig in die Here Jesus dat niks op sigself verontreinig is nie;+ net wanneer iemand iets as verontreinig beskou—vir hom is dit verontreinig.+
15 Want as jou broer weens voedsel bedroef gemaak word, wandel jy nie meer in ooreenstemming met die liefde nie.+ Moenie deur jou voedsel dié een vir wie Christus gesterf het, te gronde rig nie.+
16 Moet dus nie dat daar tot nadeel van julle gepraat word oor die goeie wat julle doen nie.
17 Want die koninkryk van God+ beteken nie voedsel en drank nie,+ maar beteken regverdigheid+ en vrede+ en vreugde+ met heilige gees.
18 Want hy wat Christus in hierdie opsig as slaaf dien, is vir God aanneemlik en dra die mense se goedkeuring weg.+
19 Laat ons dan die dinge nastreef wat vrede bevorder+ en die dinge wat vir mekaar opbouend is.+
20 Hou op om die werk van God bloot ter wille van voedsel af te breek.+ Alles is weliswaar rein, maar dit is skadelik vir die mens wat eet as dit tot struikeling aanleiding kan gee.+
21 Dit is goed om nie vleis te eet of wyn te drink of enigiets te doen waaroor jou broer struikel nie.+
22 Die geloof wat jy het, moet jy ooreenkomstig jouself voor die aangesig van God hê.+ Gelukkig is die mens wat hom nie oordeel op die hals haal deur wat hy goedkeur nie.
23 Maar as hy twyfel, is hy reeds veroordeel as hy eet,+ omdat hy nie uit geloof eet nie. Ja, alles wat nie uit geloof is nie, is sonde.+
