Romeine 3:1-31
3 Wat is dan die voorrang van die Jood,+ of wat is die nut van die besnydenis?+
2 Baie in elke opsig. In die eerste plek, omdat die heilige verklarings van God aan hulle toevertrou is.+
3 Wat is die geval dan? As party nie geloof geopenbaar het nie,+ sal hulle gebrek aan geloof dan miskien die getrouheid+ van God kragteloos maak?+
4 Mag dit nooit gebeur nie! Maar laat God waaragtig bevind word,+ al word elke mens ’n leuenaar bevind,+ net soos daar geskrywe staan: “Sodat u regverdig kan wees in u woorde en kan wen wanneer u geoordeel word.”+
5 Maar as ons onregverdigheid God se regverdigheid+ na vore bring, wat sal ons dan sê? God is tog nie onregverdig+ wanneer hy aan sy gramskap uiting gee nie, of hoe? (Ek praat soos ’n mens.+)
6 Mag dit nooit gebeur nie! Hoe sal God andersins die wêreld oordeel?+
7 Maar as die waarheid van God+ weens my leuen prominenter gemaak is tot sy heerlikheid, waarom word ek ook dan nog as ’n sondaar geoordeel?+
8 En waarom nie sê, net soos ons valslik daarvan beskuldig word+ en net soos party mense beweer ons sê: “Laat ons die slegte dinge doen, sodat die goeie dinge kan kom” nie?+ Die oordeel+ teen dié mense is in ooreenstemming met geregtigheid.+
9 Wat dan? Is ons in ’n beter posisie?+ Glad nie! Want hierbo het ons die beskuldiging gemaak dat Jode sowel as Grieke almal onder die sonde is;+
10 net soos daar geskrywe staan: “Daar is nie ’n regverdige mens nie, nie eers een nie;+
11 daar is niemand wat enige insig het nie, daar is niemand wat God soek nie.+
12 Alle mense het afgewyk, hulle almal tesame het waardeloos geword; daar is niemand wat goedhartigheid betoon nie, daar is nie eers een nie.”+
13 “Hulle keel is ’n oop graf, met hulle tonge het hulle bedrog gepleeg.”+ “Die gif van adders is agter hulle lippe.”+
14 “En hulle mond is vol vervloeking en bitter uitinge.”+
15 “Hulle voete is vinnig om bloed te vergiet.”+
16 “Verderf en ellende is op hulle weë,+
17 en hulle het die weg van vrede nie geken nie.”+
18 “Daar is geen vrees vir God voor hulle oë nie.”+
19 Ons weet dan nou dat die Wet+ alles wat dit sê, tot dié rig wat onder die Wet is, sodat elke mond gestop+ kan word en die hele wêreld voor God strafbaar+ kan word.
20 Daarom sal geen vlees deur werke van die wet voor hom regverdig verklaar word nie,+ want deur die wet+ is die juiste kennis van sonde.+
21 Maar nou is God se regverdigheid+ openbaar gemaak sonder die wet, waarvan deur die Wet+ en die Profete+ getuig word;+
22 ja, God se regverdigheid deur die geloof in Jesus Christus,+ vir almal wat geloof het.+ Want daar is geen onderskeid nie.+
23 Want almal het gesondig+ en skiet te kort aan die heerlikheid van God,+
24 en dit is as ’n vrye gawe+ dat hulle deur sy onverdiende goedhartigheid+ regverdig verklaar word op grond van die bevryding deur die losprys+ wat deur Christus Jesus betaal is.
25 God het hom gestel as ’n offer vir versoening+ deur geloof in sy bloed.+ Dit was om sy eie regverdigheid te toon, want hy het die sondes vergewe+ wat in die verlede plaasgevind het terwyl God verdraagsaamheid beoefen het,+
26 ten einde sy eie regverdigheid+ in die teenswoordige tyd te toon, sodat hy regverdig sal wees ook wanneer hy die mens regverdig verklaar+ wat geloof in Jesus het.
27 Waar is die geroem dan?+ Dit is uitgesluit. Deur watter wet?+ Dié van werke?+ Nee, beslis nie, maar deur die wet van geloof.+
28 Want ons reken dat ’n mens regverdig verklaar word deur geloof sonder werke van die wet.+
29 Of is hy net die God van die Jode?+ Is hy dit nie ook van mense van die nasies nie?+ Ja, ook van mense van die nasies,+
30 as God waarlik een is,+ wat besnedenes+ as gevolg van geloof regverdig sal verklaar en onbesnedenes+ deur middel van hulle geloof.
31 Maak ons dan die wet tot niet deur middel van ons geloof?+ Mag dit nooit gebeur nie! Inteendeel, ons bevestig die wet.+
