Spreuke 10:1-32
10 Spreuke van Salomo.+
’n Wyse seun maak ’n vader bly,+ en ’n dwase seun is die droefheid van sy moeder.+
2 Die skatte van die goddelose sal geen voordeel inhou nie,+ maar regverdigheid sal van die dood verlos.+
3 Jehovah sal die siel van die regverdige nie laat honger ly nie,+ maar die begeerte van die goddeloses sal hy wegstoot.+
4 Wie met ’n trae hand werk, sal arm wees,+ maar die hand van die vlytige sal ryk maak.+
5 Die seun wat met insig optree, samel gedurende die somer in; die seun wat skandelik optree, is vas aan die slaap gedurende die oes.+
6 Seëninge is vir die hoof van die regverdige,+ maar wat die mond van die goddeloses betref, dit bedek geweld.+
7 Die nagedagtenis van die regverdige is tot seën,+ maar die naam van die goddeloses sal verrot.+
8 Wie wys van hart is, sal gebooie aanneem,+ maar wie dwaas van lippe is, sal vertrap word.+
9 Hy wat in onkreukbaarheid wandel, sal in veiligheid wandel,+ maar hy wat sy weë krom maak, sal bekend word.+
10 Wie sy oog knip, sal pyn veroorsaak,+ en wie dwaas van lippe is, sal vertrap word.+
11 Die mond van die regverdige is ’n bron van lewe;+ maar wat die mond van die goddeloses betref, dit bedek geweld.+
12 Haat verwek twis,+ maar liefde bedek alle oortredings.+
13 Op die lippe van iemand met begrip word wysheid gevind,+ maar die roede is vir die rug van iemand wat nie ’n verstandige hart het nie.+
14 Die wyses bewaar kennis as ’n skat,+ maar die mond van die dwaas is naby ondergang.+
15 Die waardevolle dinge van ’n ryke is sy sterk stad.+ Die ondergang van die geringes is hulle armoede.+
16 Die werk van die regverdige lei tot die lewe;+ die opbrengs van die goddelose lei tot sonde.+
17 Hy wat aan dissipline vashou, is ’n pad na die lewe,+ maar hy wat teregwysing verlaat, veroorsaak dat daar gedwaal word.+
18 Waar daar iemand is wat haat bedek, is daar leuenagtige lippe,+ en wie ’n slegte berig versprei, is dwaas.+
19 In die oorvloed van woorde ontbreek die oortreding nie,+ maar wie sy lippe in toom hou, tree verstandig op.+
20 Die tong van die regverdige is uitgesoekte silwer;+ die hart van die goddelose is min werd.+
21 Die lippe van die regverdige voed en lei talle deurentyd,+ maar omdat die dwase nie ’n verstandige hart het nie, sterf hulle steeds.+
22 Die seën van Jehovah—dit maak ryk,+ en hy voeg daar geen pyn by nie.+
23 Vir die sot is dit soos vermaak om losbandig te wees,+ maar wysheid is vir die man met onderskeidingsvermoë.+
24 Wat vir die goddelose skrikwekkend is—dit sal oor hom kom;+ maar die begeerte van die regverdiges sal toegestaan word.+
25 Soos wanneer die stormwind verbygaan, so is die goddelose nie meer nie;+ maar die regverdige is ’n fondament tot onbepaalde tyd.+
26 Soos asyn vir die tande en soos rook vir die oë, so is die luiaard vir dié wat hom uitstuur.+
27 Die vrees van Jehovah sal dae byvoeg,+ maar die jare van die goddeloses sal verkort word.+
28 Die verwagting van die regverdiges is ’n vreugde,+ maar die hoop van die goddeloses sal vergaan.+
29 Die weg van Jehovah is ’n vesting vir die onberispelike,+ maar ondergang is vir dié wat skadelike dinge beoefen.+
30 Wat die regverdige betref, tot onbepaalde tyd sal niks hom laat wankel nie;+ maar wat die goddeloses betref, hulle sal nie op die aarde bly woon nie.+
31 Die mond van die regverdige—dit dra die vrug van wysheid,+ maar die verdorwe tong sal uitgeroei word.+
32 Die lippe van die regverdige—hulle leer welwillendheid ken,+ maar die mond van die goddeloses is verdorwenheid.+
