Spreuke 13:1-25
13 ’n Seun is wys waar daar ’n vader se dissipline is,+ maar die spotter is iemand wat geen bestrawwing gehoor het nie.+
2 Van die vrug van sy mond sal ’n man die goeie eet,+ maar die siel van dié wat verraderlik handel, is geweld.+
3 Wie sy mond bewaak, behou sy siel.+ Wie sy lippe wyd oopmaak—vir hom sal daar ondergang wees.+
4 Die luiaard toon dat hy begerig is, maar sy siel het niks.+ Die siel van die vlytiges sal egter vet gemaak word.+
5 ’n Valse woord is iets wat die regverdige haat,+ maar die goddeloses tree skandelik op en bring oneer oor hulleself.+
6 Regverdigheid bewaar die een wat onskadelik is op sy weg,+ maar goddeloosheid laat die sondaar te gronde gaan.+
7 Daar is een wat voorgee dat hy ryk is, en tog het hy hoegenaamd niks;+ daar is een wat voorgee dat hy arm is, en tog het hy talle waardevolle dinge.
8 Die losprys vir ’n man se siel is sy rykdom,+ maar die arme het geen bestrawwing gehoor nie.+
9 Die lig van die regverdiges sal bly wees;+ maar die lamp van die goddeloses—dit sal uitgedoof word.+
10 Deur vermetelheid veroorsaak ’n mens net ’n stryd,+ maar by dié wat saam beraadslaag, is wysheid.+
11 Waardevolle dinge wat uit nietigheid voortspruit, word minder,+ maar wie met die hand bymekaarmaak, laat dit toeneem.+
12 ’n Uitgestelde verwagting maak die hart siek,+ maar wat begeer word, is ’n boom van die lewe wanneer dit wel kom.+
13 Hy wat die woord verag het,+ van hom sal ’n skuldenaarspand geneem word; maar wie die gebod vrees, sal beloon word.+
14 Die wet van die wyse is ’n bron van lewe,+ om ’n mens van die strikke van die dood af te keer.+
15 Goeie insig verskaf guns,+ maar die weg van dié wat verraderlik handel, is ongelyk.+
16 Elke skerpsinnige sal met kennis optree,+ maar die sot sal dwaasheid versprei.+
17 ’n Boodskapper wat goddeloos is, sal in die kwaad verval,+ maar ’n getroue gesant is ’n genesing.+
18 Wie dissipline verontagsaam, kom tot armoede en oneer,+ maar wie ’n teregwysing bewaar, word verheerlik.+
19 ’n Vervulde begeerte is aangenaam vir die siel;+ maar vir die sotte is dit iets verfoeiliks om van die kwaad af te wyk.+
20 Hy wat met wyses wandel, sal wys word,+ maar hy wat hom met die sotte inlaat, met hom sal dit sleg gaan.+
21 Sondaars word deur rampspoed agtervolg,+ maar die regverdiges word met die goeie beloon.+
22 Iemand wat goed is, sal ’n erfenis vir kleinkinders nalaat, en die rykdom van die sondaar is iets wat vir die regverdige as ’n skat bewaar word.+
23 Die geploegde grond van die armes lewer baie voedsel op,+ maar daar is een wat weggevee word weens ’n gebrek aan geregtigheid.+
24 Wie sy roede terughou, haat sy seun,+ maar hy wat hom liefhet, gee ag op hom met dissipline.+
25 Die regverdige eet tot versadiging van sy siel,+ maar die maag van die goddeloses sal leeg wees.+
