Spreuke 15:1-33
15 ’n Sagte antwoord keer woede af,+ maar ’n woord wat pyn veroorsaak, laat toorn opkom.+
2 Die tong van die wyses doen goed met kennis,+ maar die mond van die sotte laat dwaasheid uitborrel.+
3 Die oë van Jehovah is op elke plek,+ en hulle let op die slegtes en die goeies.+
4 Die kalmte van die tong is ’n lewensboom,+ maar verdraaidheid daarin breek die gees af.+
5 Iemand wat dwaas is, minag die dissipline van sy vader,+ maar iemand wat op teregwysing ag gee, is skerpsinnig.+
6 In die huis van die regverdige is daar ’n oorvloedige voorraad,+ maar die opbrengs van die goddelose bring die ongeluk.+
7 Die lippe van die wyses strooi voortdurend kennis uit,+ maar die hart van die sotte is nie so nie.+
8 Die offerande van die goddeloses is vir Jehovah iets verfoeiliks,+ maar in die gebed van die regskapenes skep hy behae.+
9 Die weg van die goddelose is vir Jehovah iets verfoeiliks,+ maar wie regverdigheid nastreef, het hy lief.+
10 Dissipline is sleg vir die een wat die pad verlaat;+ iemand wat teregwysing haat, sal sterf.+
11 Sjeool en die plek van vernietiging+ is voor Jehovah.+ Hoeveel te meer die harte van die mensekinders!+
12 Die spotter het nie die een lief wat hom teregwys nie.+ Na die wyses sal hy nie gaan nie.+
13 ’n Vreugdevolle hart het ’n goeie uitwerking op die gesig,+ maar weens die pyn van die hart is daar ’n verslae gees.+
14 Die verstandige hart soek na kennis,+ maar die mond van sotte streef na dwaasheid.+
15 Al die dae van die geteisterde is sleg;+ maar wie vrolik van hart is, het voortdurend ’n feesmaal.+
16 ’n Bietjie in die vrees van Jehovah is beter+ as ’n oorvloedige voorraad en verwarring daarby.+
17 ’n Bak groente waar daar liefde is,+ is beter as ’n vetgemaakte bul en haat daarby.+
18 ’n Woedende man verwek twis,+ maar die een wat nie gou toornig word nie, bring ’n rusie tot bedaring.+
19 Die weg van die luiaard is soos ’n doringheining,+ maar die pad van die regskapenes is ’n verhoogde weg.+
20 ’n Wyse seun maak ’n vader bly,+ maar ’n dwase mens verag sy moeder.+
21 Dwaasheid is ’n vreugde vir iemand wat nie ’n verstandige hart het nie,+ maar die man met onderskeidingsvermoë is iemand wat reguit vorentoe gaan.+
22 Planne misluk waar daar geen vertroulike gesprekke is nie,+ maar in die veelheid van raadgewers kom iets tot stand.+
23 ’n Man vind blydskap in die antwoord van sy mond,+ en hoe goed is ’n woord op die regte tyd tog!+
24 Die pad van die lewe loop boontoe vir iemand wat met insig optree,+ om hom af te keer van Sjeool daar onder.+
25 Jehovah sal die huis afbreek van dié wat hulle verhef,+ maar hy sal die grens van die weduwee vasstel.+
26 Die planne van die slegte is vir Jehovah iets verfoeiliks,+ maar aangename woorde is rein.+
27 Wie onregverdige wins maak, stort sy eie huis in die ongeluk,+ maar wie geskenke haat, sal bly lewe.+
28 Die hart van die regverdige dink na sodat hy kan antwoord,+ maar die mond van die goddeloses laat slegte dinge uitborrel.+
29 Jehovah is ver van die goddeloses af,+ maar die gebed van die regverdiges hoor hy.+
30 Die glans van die oë+ maak die hart bly;+ ’n goeie berig+ maak die gebeente vet.+
31 Die oor wat na die teregwysing+ tot die lewe luister, vertoef onder wyses.+
32 Iemand wat dissipline vermy,+ verwerp sy eie siel, maar wie na teregwysing luister, verkry ’n verstandige hart.+
33 Die vrees van Jehovah is dissipline tot wysheid,+ en nederigheid gaan heerlikheid vooraf.+
