Spreuke 16:1-33
16 Aan die mens behoort die planne van die hart,+ maar van Jehovah kom die antwoord van die tong.+
2 Al die weë van ’n man is suiwer in sy eie oë,+ maar Jehovah toets die geeste.+
3 Laat jou werke aan Jehovah oor+ en jou planne sal stewig bevestig word.+
4 Alles het Jehovah vir sy voorneme gemaak,+ ja, selfs die goddelose vir die kwade dag.+
5 Elkeen wat trots van hart is, is vir Jehovah verfoeilik.+ Al word die handslag gegee, sal ’n mens tog nie ongestraf bly nie.+
6 Deur liefderyke goedhartigheid en waaragtigheid word oortreding versoen,+ en in die vrees van Jehovah wyk ’n mens af van die kwaad.+
7 Wanneer Jehovah behae skep in die weë van ’n man,+ laat hy selfs sy vyande in vrede met hom verkeer.+
8 ’n Bietjie met regverdigheid+ is beter as ’n oorvloed van produkte sonder geregtigheid.+
9 Die hart van die mens dink dalk sy weg uit,+ maar Jehovah rig sy voetstappe.+
10 Geïnspireerde beslissings moet op die lippe van ’n koning wees;+ in die regspraak mag sy mond nie ontrou wees nie.+
11 Die regte wyser en weegskaal behoort aan Jehovah;+ al die weegstene van die sak is sy werk.+
12 Dit is vir konings iets verfoeiliks om goddeloosheid te doen,+ want deur regverdigheid word die troon stewig gevestig.+
13 ’n Groot koning skep behae in die lippe van regverdigheid;+ en die spreker van regte dinge het hy lief.+
14 Die woede van ’n koning beteken boodskappers van die dood,+ maar die wyse man wend dit af.+
15 In die lig van die koning se aangesig is lewe,+ en sy welwillendheid is soos die wolk van lentereën.+
16 Hoeveel beter is die verkryging van wysheid tog as goud!+ En die verkryging van begrip is verkiesliker as silwer.+
17 Die grootpad van die regskapenes is om af te wyk van die kwaad.+ Wie sy weg beveilig, behou sy siel.+
18 Trots kom voor ’n ineenstorting+ en ’n hoogmoedige gees voor struikeling.+
19 Dit is beter om nederig van gees te wees saam met die sagmoediges+ as om buit te verdeel saam met dié wat hulleself verhef.+
20 Hy wat insig in ’n saak toon, sal die goeie vind,+ en gelukkig is hy wat op Jehovah vertrou.+
21 Wie wys van hart is, sal verstandig genoem word,+ en hy wat soet van lippe is, voeg oorredingskrag by.+
22 Insig is vir sy besitters ’n fontein van die lewe;+ en die dissipline van die dwase is dwaasheid.+
23 Die hart van die wyse laat sy mond insig toon,+ en by sy lippe voeg dit oorredingskrag.+
24 Aangename woorde is ’n heuningkoek,+ soet vir die siel en ’n genesing vir die gebeente.+
25 Daar is ’n weg wat vir ’n mens reg lyk,+ maar die einde daarvan is later die weë van die dood.+
26 Die siel van die harde werker het vir hom hard gewerk,+ want sy mond het hom aangedryf.+
27 ’n Deugniet grawe slegte dinge op,+ en op sy lippe is daar as ’t ware ’n verskroeiende vuur.+
28 ’n Man van listige streke bly twis saai,+ en ’n lasteraar skei dié wat vertroulik met mekaar omgaan.+
29 ’n Man van geweld sal sy naaste verlei+ en laat hom beslis op ’n weg gaan wat nie goed is nie.+
30 Hy knip sy oë om listige streke te beraam.+ Terwyl hy sy lippe saampers, bring hy beslis onheil tot voltooiing.
31 Grysheid is ’n pragtige kroon+ wanneer dit op die weg van regverdigheid gevind word.+
32 Hy wat nie gou toornig word nie, is beter as ’n sterk man,+ en hy wat sy gees beheers, as die een wat ’n stad inneem.+
33 In die skoot word die lot gewerp,+ maar elke beslissing daardeur kom van Jehovah.+
