Spreuke 20:1-30
20 Wyn is ’n spotter,+ sterk drank is luidrugtig,+ en elkeen wat daardeur afdwaal, is nie wys nie.+
2 Die skrikwekkendheid van ’n koning is ’n gegrom soos dié van ’n jong maanhaarleeu.+ Iemand wat sy grimmigheid oor homself bring, sondig teen sy eie siel.+
3 Dit strek ’n man tot eer om twis te laat staan,+ maar elke dwaas sal daarin uitbars.+
4 Weens die winter sal die luiaard nie ploeg nie;+ hy sal in die oestyd bedel, maar daar sal niks wees nie.+
5 Raad in die hart van ’n man is soos diep waters,+ maar die man met onderskeidingsvermoë sal dit uitskep.+
6 ’n Menigte mense sal elkeen sy eie liefderyke goedhartigheid verkondig,+ maar wie kan ’n getroue man vind?+
7 Die regverdige wandel in sy onkreukbaarheid.+ Gelukkig is sy kinders ná hom.+
8 Die koning sit op die oordeelstroon+ en verdryf alle slegtheid met sy oë.+
9 Wie kan sê: “Ek het my hart gereinig;+ ek het suiwer geword van my sonde”?+
10 Twee soorte gewigte en twee soorte efas+—hulle al twee is vir Jehovah iets verfoeiliks.+
11 Deur sy handelinge laat ’n seun hom tog ken, of sy optrede suiwer en reg is.+
12 Die oor wat hoor en die oog wat sien—Jehovah het hulle al twee gemaak.+
13 Moenie die slaap liefhê nie, sodat jy nie in armoede verval nie.+ Maak jou oë oop; word versadig met brood.+
14 “Dit is sleg, sleg!” sê die koper, en hy gaan weg.+ Dan roem hy oor homself.+
15 Daar is goud, ook ’n oorvloed van korale; maar die lippe van kennis is kosbare houers.+
16 Neem iemand se kleed as hy vir ’n vreemdeling borg gestaan het;+ en in die geval van ’n uitlandse vrou, neem van hom ’n pand.+
17 Brood wat deur ’n leuen verkry is, is lekker vir ’n man,+ maar agterna sal sy mond vol gruis word.+
18 Deur raad word planne stewig bevestig,+ en met bekwame leiding moet jy jou oorlog voer.+
19 Hy wat as ’n lasteraar rondgaan, lê vertroulike gesprekke bloot;+ en met iemand wat hom deur sy lippe laat verlok, moet jy geen omgang hê nie.+
20 Wat iemand betref wat ’n vloek oor sy vader en sy moeder uitspreek,+ sy lamp sal by die aanbreek van die duisternis uitgedoof word.+
21 ’n Erfenis word aanvanklik deur gierigheid verkry,+ maar die toekoms daarvan sal nie geseënd wees nie.+
22 Moenie sê: “Ek sal die kwaad vergeld!” nie.+ Hoop op Jehovah,+ en hy sal jou red.+
23 Twee soorte gewigte is vir Jehovah iets verfoeiliks,+ en ’n bedrieglike weegskaal is nie goed nie.+
24 ’n Man se voetstappe is van Jehovah.+ Wat die mens betref, hoe kan hy sy weg onderskei?+
25 Dit is ’n strik wanneer die mens oorhaastig “Heilig!”+ uitgeroep het en geneig is om eers ná geloftes+ ondersoek te doen.+
26 ’n Wyse koning verdryf die goddeloses,+ en hy laat ’n wiel oor hulle draai.+
27 Die asem+ van die mens is die lamp van Jehovah, wat al die diepste dele van die buik sorgvuldig deursoek.+
28 Liefderyke goedhartigheid en waaragtigheid—dit bewaar die koning;+ en deur liefderyke goedhartigheid het hy sy troon in stand gehou.+
29 Die sieraad van jong manne is hulle krag,+ en die prag van ou manne is hulle grysheid.+
30 Kneuswonde skuur die kwaad weg;+ en slae die diepste dele van die buik.+
