Spreuke 21:1-31
21 ’n Koning se hart is soos waterstrome in die hand van Jehovah.+ Hy lei dit oral waar dit hom behaag.+
2 Elke weg van ’n man is reg in sy eie oë,+ maar Jehovah toets die harte.+
3 Om regverdigheid en reg te beoefen, is vir Jehovah verkiesliker as offerandes.+
4 Hoogmoedige oë en ’n trotse hart,+ die lamp van die goddeloses, is sonde.+
5 Die planne van die vlytige lei gewis tot voordeel,+ maar elkeen wat oorhaastig is, stuur gewis op gebrek af.+
6 Die verkryging van skatte deur ’n valse tong is ’n weggewaaide asemstoot+ vir dié wat die dood soek.+
7 Die plundering deur die goddeloses sal hulle wegsleep,+ want hulle het geweier om reg te doen.+
8 ’n Man, ja, ’n vreemdeling, is verdorwe in sy weg;+ maar die reine is regskape in sy optrede.+
9 Dit is beter om op ’n hoek van ’n dak te woon+ as saam met ’n twisgierige vrou, al is dit in ’n gemeenskaplike huis.+
10 Die siel van die goddelose het begeer wat sleg is;+ sy naaste sal geen guns in sy oë vind nie.+
11 As die spotter ’n boete opgelê word, word die onervarene wys;+ en as ’n mens ’n wyse insig gee, verkry hy kennis.+
12 Die Regverdige gee ag op die huis van die goddelose+ en werp die goddeloses omver tot hulle rampspoed.+
13 Wat iemand betref wat sy oor toestop vir die klaaggeroep van die geringe,+ hy sal self ook roep en nie geantwoord word nie.+
14 ’n Geskenk wat in die geheim gegee word, bring toorn tot bedaring;+ en ’n omkoopgeskenk in die boesem,+ hewige woede.
15 Dit is vir die regverdige ’n vreugde om reg te doen,+ maar daar is iets verskrikliks vir dié wat skadelike dinge beoefen.+
16 Wat ’n mens betref wat van die weg van insig afdwaal,+ in die vergadering van dié wat magteloos is in die dood, sal hy rus.+
17 Hy wat vrolikheid liefhet, sal iemand wees wat gebrek ly;+ hy wat wyn en olie liefhet, sal nie rykdom verwerf nie.+
18 Die goddelose is ’n losprys vir die regverdige;+ en wie verraderlik handel, neem die plek van die regskapenes in.+
19 Dit is beter om in ’n woeste land te woon as saam met ’n twisgierige vrou en ergernis daarby.+
20 ’n Begeerlike skat en olie is in die woning van die wyse,+ maar die mens wat dwaas is, sal dit verswelg.+
21 Hy wat regverdigheid en liefderyke goedhartigheid nastreef,+ sal die lewe, regverdigheid en heerlikheid vind.+
22 ’n Wyse het selfs die stad van sterk manne beklim, sodat hy die sterkte van die stad se vertroue kon neerwerp.+
23 Hy wat sy mond en sy tong bewaar, bewaar sy siel van benoudhede.+
24 Vermetele, aanmatigende grootprater is die naam van die een wat in ’n opwelling van vermetelheid optree.+
25 Die begeerte van die luiaard sal hom doodmaak, want sy hande het geweier om te werk.+
26 Die hele dag deur het hy gretig begeer, maar die regverdige gee en hou niks terug nie.+
27 Die offerande van die goddeloses is iets verfoeiliks.+ Hoeveel te meer wanneer iemand dit met losbandige gedrag bring.+
28 ’n Leuenagtige getuie sal omkom,+ maar die man wat luister, sal vir ewig spreek.+
29 ’n Goddelose man het ’n onbeskaamde gesig,+ maar die regskapene sal sy weë stewig vestig.+
30 Geen wysheid of enige onderskeidingsvermoë of raad kan teen Jehovah standhou nie.+
31 Die perd is iets wat vir die dag van oorlog gereedgemaak word,+ maar redding behoort aan Jehovah.+
