Spreuke 24:1-34
24 Moenie afgunstig wees op slegte mense nie,+ en moenie begeer om jou met hulle in te laat nie.+
2 Want oor plundering bly hulle hart peins, en oor moeilikheid bly hulle lippe praat.+
3 Deur wysheid sal ’n huisgesin opgebou word,+ en deur onderskeidingsvermoë sal dit stewig gevestig word.+
4 En deur kennis sal die binnekamers met allerhande kosbare en lieflike dinge van waarde gevul word.+
5 Wie wys is in sterkte, is ’n ware man,+ en ’n man van kennis versterk krag.+
6 Want met bekwame leiding sal jy jou oorlog voer,+ en in die veelheid van raadgewers is daar redding.+
7 Vir ’n dwaas is ware wysheid te hoog;+ in die poort sal hy sy mond nie oopmaak nie.
8 Wat iemand betref wat beplan om kwaad te doen, hy sal ’n meester in bose idees genoem word.+
9 Die losbandige gedrag van die dwaasheid is sonde,+ en ’n spotter is vir die mensdom verfoeilik.+
10 Was jy mismoedig in die dag van benoudheid?+ Jou krag sal gering wees.
11 Verlos dié wat weggeneem word na die dood; en dié wat na die slagting wankel, hou hulle tog terug.+
12 As jy sê: “Kyk! Ons het dit nie geweet nie”+—sal hy wat die harte toets, dit dan nie bemerk,+ en hy wat let op jou siel, dit dan nie weet+ en die mens beslis volgens sy optrede vergeld nie?+
13 My seun, eet heuning, want dit is goed; en laat daar soet heuningstroop op jou verhemelte wees.+
14 Ken ook wysheid vir jou siel.+ As jy dit gevind het, dan is daar ’n toekoms, en jou hoop sal nie afgesny word nie.+
15 Moenie, soos ’n goddelose, na die woonplek van die regverdige op die loer lê nie;+ moenie sy rusplek plunder nie.+
16 Want die regverdige kan selfs sewe keer val, en hy sal beslis opstaan;+ maar die goddeloses sal weens rampspoed struikel.+
17 Wanneer jou vyand val, moet jy jou nie verbly nie; en wanneer hy struikel, laat jou hart dan nie bly wees nie,+
18 sodat Jehovah dit nie sien en dit sleg is in sy oë en hy beslis sy toorn van hom afwend nie.+
19 Moenie driftig raak oor kwaaddoeners nie. Moenie afgunstig raak op die goddeloses nie.+
20 Want daar sal geen toekoms wees vir iemand wat sleg is nie;+ die lamp van die goddeloses sal uitgedoof word.+
21 My seun, vrees Jehovah en die koning.+ Moet jou nie inlaat met dié wat ’n verandering voorstaan nie.+
22 Want hulle ongeluk sal baie skielik opkom,+ en wie weet van die ondergang van dié wat ’n verandering voorstaan?+
23 Ook hierdie woorde is vir die wyses:+ Om partydigheid in die gereg te toon, is nie goed nie.+
24 Hy wat vir die goddelose sê: “Jy is regverdig”+—die volke sal hom vervloek, volksgroepe sal hom veroordeel.
25 Maar vir dié wat hom teregwys, sal dit aangenaam wees,+ en oor hulle sal die seën van die goeie kom.+
26 Hy wat reguit antwoord, sal lippe soen.+
27 Maak jou werk buitenshuis klaar, en maak dit vir jou op die land gereed.+ Daarna moet jy ook jou huisgesin opbou.
28 Moenie sonder enige grond ’n getuie teen jou medemens word nie.+ Dan sal jy dwaas moet wees met jou lippe.+
29 Moenie sê nie: “Net soos hy aan my gedoen het, so gaan ek aan hom doen.+ Ek sal elkeen volgens sy optrede vergeld.”+
30 Ek het by die land van die luiaard+ verbygegaan en by die wingerd van die mens wat nie ’n verstandige hart het nie.+
31 En kyk! dit het oral onkruid voortgebring.+ Netels het sy hele oppervlak bedek, en sy klipmuur was afgebreek.+
32 Toe het ek dit aanskou, ja ek; ek het dit ter harte begin neem;+ ek het gesien, ek het die dissipline aangeneem:+
33 ’n Bietjie slaap, ’n bietjie sluimer, ’n bietjie handevou om te gaan lê,+
34 en soos ’n struikrower sal jou armoede beslis kom en jou gebrek soos ’n gewapende man.+
