Spreuke 29:1-27
29 ’n Man wat herhaaldelik tereggewys word+ maar sy nek verhard,+ sal skielik verbreek word, en dit sonder genesing.+
2 Wanneer die regverdiges baie word, is die volk bly;+ maar wanneer ’n goddelose heers, sug die volk.+
3 ’n Man wat wysheid liefhet, maak sy vader bly,+ maar hy wat met prostitute omgaan, vernietig waardevolle dinge.+
4 Deur geregtigheid laat ’n koning ’n land standhou,+ maar ’n man wat agter omkoopgeskenke aan is, breek dit af.+
5 ’n Man wat sy metgesel vlei,+ sprei ’n net vir sy voetstappe uit.+
6 In die oortreding van ’n slegte man is ’n strik,+ maar hy wat regverdig is, roep in vreugde uit en is bly.+
7 Die regverdige ken die wettige eis van die geringes.+ Hy wat goddeloos is, gee nie ag op sulke kennis nie.+
8 Manne wat grootpraat, laat ’n stad ontvlam,+ maar die wyses wend toorn af.+
9 ’n Wyse man wat met ’n dwase man in die gerig getree het—hy het opgewonde geraak en het ook gelag, en daar is geen rus nie.+
10 Bloeddorstige manne haat ’n onberispelike;+ en wat die regskapenes betref, hulle bly soek na elkeen se siel.+
11 ’n Sot laat al sy gees uit, maar hy wat wys is, hou dit tot op die laaste kalm.+
12 Waar ’n heerser aandag skenk aan valse woorde, sal almal wat hom bedien, goddeloos wees.+
13 Die arme en die man van verdrukkinge het mekaar ontmoet;+ maar Jehovah verlig hulle al twee se oë.+
14 Waar ’n koning in waaragtigheid regspreek oor die geringes,+ sal sy troon vir altyd stewig gevestig wees.+
15 Die roede en teregwysing gee wysheid;+ maar ’n seun wat aan homself oorgelaat word, sal sy moeder in die skande steek.+
16 Wanneer die goddeloses baie word, is die oortreding oorvloedig; maar die regverdiges sal hulle ondergang aanskou.+
17 Tugtig jou seun en hy sal aan jou rus verskaf en aan jou siel groot genot gee.+
18 Waar daar geen visioen is nie, word die volk bandeloos,+ maar gelukkig is hulle wat die wet onderhou.+
19 ’n Kneg sal hom nie net deur woorde laat teregwys nie,+ want hy verstaan, maar hy luister glad nie daarna nie.+
20 Het jy ’n man gesien wat haastig is met sy woorde?+ Daar is meer hoop vir ’n sot as vir hom.+
21 As ’n mens sy kneg van jongs af bederf, sal hy in sy latere lewe ’n ondankbare word.
22 ’n Man wat gou toornig word, verwek twis,+ en iemand wat geneig is tot woede, begaan baie oortredings.+
23 Die hoogmoed van die mens sal hom verneder,+ maar hy wat nederig van gees is, sal heerlikheid aangryp.+
24 Hy wat deelgenoot met ’n dief is, haat sy eie siel.+ Hy hoor miskien ’n eed waarby ’n vervloeking betrokke is, maar hy maak niks bekend nie.+
25 Om vir mense te bewe, span ’n strik,+ maar hy wat op Jehovah vertrou, sal beskerm word.+
26 Daar is baie wat die aangesig van ’n heerser soek,+ maar dit is Jehovah wat oor die mens regspreek.+
27 ’n Man van onreg is vir die regverdiges verfoeilik,+ en iemand wat regskape is in sy weg, is vir ’n goddelose verfoeilik.+
