Spreuke 3:1-35
3 My seun, moenie my wet vergeet nie,+ en laat jou hart my gebooie bewaar,+
2 want lengte van dae en jare van lewe+ en vrede sal vir jou bygevoeg word.+
3 Laat liefderyke goedhartigheid en waaragtigheid jou nie verlaat nie.+ Bind dit om jou hals.+ Skryf dit op die tafel van jou hart,+
4 en vind so guns en goeie insig in die oë van God en van die mens.+
5 Vertrou op Jehovah met jou hele hart+ en moenie op jou eie begrip steun nie.+
6 Slaan ag op hom in al jou weë,+ en hy sal jou paaie reguit maak.+
7 Moenie wys word in jou eie oë nie.+ Vrees Jehovah en wyk af van die kwaad.+
8 Laat dit ’n genesing+ vir jou naeltjie word en ’n verkwikking vir jou gebeente.+
9 Eer Jehovah met jou waardevolle dinge+ en met die eerstelinge van jou hele opbrengs.+
10 Dan sal jou voorraadskure met oorvloed gevul word;+ en van nuwe wyn sal jou parskuipe oorloop.+
11 O my seun, moenie die dissipline van Jehovah verwerp nie;+ en moenie sy teregwysing verafsku nie,+
12 want Jehovah wys die een tereg wat hy liefhet,+ net soos ’n vader doen met ’n seun in wie hy behae het.+
13 Gelukkig is die mens wat wysheid gevind het+ en die mens wat onderskeidingsvermoë verkry,+
14 want om dit as gewin te hê, is beter as om silwer as gewin te hê, en om dit as opbrengs te hê, beter as goud.+
15 Dit is kosbaarder as korale,+ en al jou ander verlustiginge kan nie daarmee gelykgestel word nie.
16 Lengte van dae is in sy regterhand;+ in sy linkerhand is rykdom en heerlikheid.+
17 Sy weë is lieflike weë, en al sy paaie is vrede.+
18 Dit is ’n boom van die lewe+ vir dié wat dit aangryp, en dié wat dit stewig vashou,+ sal gelukkig genoem word.+
19 Jehovah het die aarde deur wysheid gegrondves.+ Hy het die hemele deur onderskeidingsvermoë stewig gevestig.+
20 Deur sy kennis is die waterdieptes oopgeskeur+ en laat die bewolkte lug voortdurend sagte reën neerdrup.+
21 My seun, laat dit nie voor jou oë wyk nie.+ Bewaar praktiese wysheid en denkvermoë,+
22 en dit sal lewe vir jou siel wees+ en bekoorlikheid vir jou hals.+
23 Dan sal jy in veiligheid op jou weg wandel,+ en selfs jou voet sal teen niks stamp nie.+
24 Wanneer jy ook al gaan lê, sal jy nie beangs wees nie;+ en jy sal beslis gaan lê, en jou slaap sal aangenaam wees.+
25 Jy sal nie bang hoef te wees vir ’n skielike verskrikking nie,+ en ook nie vir die storm oor die goddeloses, omdat dit kom nie.+
26 Want Jehovah sal inderdaad jou vertroue wees,+ en hy sal beslis jou voet bewaar sodat dit nie gevang word nie.+
27 Moenie die goeie terughou van dié aan wie dit toekom+ wanneer dit in die mag van jou hand is om dit te doen nie.+
28 Moenie vir jou medemens sê: “Gaan en kom terug, en môre sal ek gee”, wanneer daar iets by jou is nie.+
29 Moenie enigiets slegs teen jou medemens beraam+ wanneer hy met ’n gevoel van veiligheid by jou woon nie.+
30 Moenie sonder oorsaak met ’n mens rusie maak+ as hy jou geen kwaad aangedoen het nie.+
31 Moenie afgunstig raak op die man van geweld nie,+ en moet ook nie enige van sy weë kies nie.+
32 Want die slinkse+ persoon is vir Jehovah verfoeilik,+ maar Sy intimiteit is met die regskapenes.+
33 Die vloek van Jehovah is op die huis van die goddelose,+ maar die woonplek van die regverdiges seën hy.+
34 As dit oor spotters gaan,+ sal hy spot;+ maar aan die sagmoediges sal hy guns betoon.+
35 Die wyses sal eer in besit kry,+ maar die sotte verhef oneer.+
