Spreuke 31:1-31
31 Die woorde van Leʹmuel, die koning, die gewigtige boodskap+ wat sy moeder hom ter teregwysing gegee het:+
2 Wat sê ek, o my seun, en wat, o seun van my moederskoot,+ en wat, o seun van my geloftes?+
3 Moenie jou lewenskragtigheid aan vroue gee nie,+ en ook nie jou weë aan wat tot die uitwissing van konings lei nie.+
4 Dit is nie gepas vir konings nie, o Leʹmuel, dit is nie gepas vir konings om wyn te drink of vir hoë amptenare om te sê: “Waar is sterk drank?” nie,+
5 sodat hy nie drink en vergeet wat verorden is en die regsaak van enigeen van die kinders van ellende verdraai nie.+
6 GEE sterk drank aan die een wat op die punt staan om om te kom+ en wyn aan dié wat bitter van siel is.+
7 Laat hy drink en sy armoede vergeet, en laat hy aan sy eie moeilikheid nie meer dink nie.
8 Maak jou mond oop vir die stomme,+ in die regsaak van almal wat besig is om te vergaan.+
9 Maak jou mond oop, oordeel regverdig en bepleit die regsaak van die geteisterde en die arme.+
א [ʼAʹlef]
10 Wie kan ’n bekwame vrou vind?+ Haar waarde is baie meer as dié van korale.
ב [Bet]
11 In haar het die hart van haar eienaar vertroue gestel, en aan wins ontbreek dit nie.+
ג [Giʹmel]
12 Sy het hom met die goeie beloon, en nie met kwaad nie, al die dae van haar lewe.+
ד [Daʹlet]
13 Sy het wol en linne gesoek, en sy werk aan alles waarin haar hande behae het.+
ה [Heʼ]
14 Sy is soos die skepe van ’n koopman.+ Van ver af bring sy haar voedsel in.
ו [Wau]
15 Sy staan ook op terwyl dit nog nag is+ en gee voedsel aan haar huisgesin en die voorgeskrewe deel aan haar jong vroue.+
ז [Saʹjin]
16 Sy het ’n stuk grond oorweeg en dit verkry;+ van die vrug van haar hande het sy ’n wingerd geplant.+
ח [Get]
17 Sy het haar heupe met sterkte omgord, en sy gee haar arms krag.+
ט [Tet]
18 Sy het bemerk dat dit goed gaan met haar handeldrywery; haar lamp gaan snags nie uit nie.+
י [Jod]
19 Haar hande het sy na die spinstok uitgesteek, en haar eie hande gryp die spoel vas.+
כ [Kaf]
20 Haar palm het sy na die geteisterde uitgestrek, en haar hande het sy na die arme uitgesteek.+
ל [Laʹmed]
21 Sy vrees nie vir haar huisgesin weens die sneeu nie, want haar hele huisgesin is in dubbele klere geklee.+
מ [Mem]
22 Dekens+ het sy vir haarself gemaak. Haar klere is van linne en purperrooigekleurde wol.+
נ [Noen]
23 Haar eienaar+ is iemand wat bekend is in die poorte,+ wanneer hy saam met die ouer manne van die land gaan sit.
ס [Saʹmek]
24 Sy het selfs onderkledingstukke+ gemaak en dit verkoop, en gordels het sy aan die handelaars gelewer.
ע [ʽAʹjin]
25 Sterkte en prag is haar kleding,+ en sy lag oor ’n toekomstige dag.+
פ [Peʼ]
26 Haar mond het sy in wysheid oopgemaak,+ en die wet van liefderyke goedhartigheid is op haar tong.+
צ [Tsa·deʹ]
27 Sy waak oor die werksaamhede van haar huisgesin, en die brood van luiheid eet sy nie.+
ק [Kof]
28 Haar seuns het opgestaan en haar gelukkig genoem;+ haar eienaar staan op, en hy prys haar.+
ר [Resj]
29 Baie dogters+ was bekwaam, maar jy—jy het bo hulle almal uitgestyg.+
ש [Sjin]
30 Bekoorlikheid kan vals wees,+ en skoonheid kan nietig wees;+ maar die vrou wat Jehovah vrees, sy verwerf lof vir haarself.+
ת [Tau]
31 GEE haar van die vrug van haar hande,+ en laat haar werke haar selfs in die poorte prys.+
