Spreuke 5:1-23
5 My seun, skenk tog aandag aan my wysheid.+ Neig jou ore tot my onderskeidingsvermoë,+
2 sodat jy denkvermoëns kan bewaak;+ en laat jou lippe kennis veilig bewaar.+
3 Want soos ’n heuningkoek bly die lippe van ’n vreemde vrou drup,+ en haar verhemelte is gladder as olie.+
4 Maar wat sy veroorsaak, is so bitter soos als;+ dit is so skerp soos ’n tweesnydende swaard.+
5 Haar voete daal af na die dood.+ Haar treë kleef vas aan Sjeool.+
6 Die pad van die lewe oorweeg sy nie.+ Haar spore het gedwaal, waarheen weet sy nie.+
7 En nou, o seuns, luister na my+ en moet julle nie afkeer van die woorde van my mond nie.+
8 Hou jou weg ver van haar af, en moenie naby die ingang van haar huis kom nie,+
9 sodat jy nie jou waardigheid aan ander gee nie,+ en ook nie jou jare aan wat wreed is nie;+
10 sodat vreemdelinge hulle nie met jou krag versadig nie,+ en die dinge wat jy met moeite verkry het, nie in die huis van ’n uitlander kom nie,+
11 en jy nie in jou toekoms hoef te kreun+ wanneer jou vlees en jou liggaam tot ’n einde kom nie.+
12 En jy sal moet sê: “Hoe het ek tog dissipline gehaat+ en het my hart teregwysing geminag!+
13 En ek het nie na die stem van my onderrigters geluister nie,+ en na my leermeesters het ek nie my oor geneig nie.+
14 Ek het maklik in elke soort slegtheid gekom+ te midde van die gemeente en van die vergadering.”+
15 Drink water uit jou eie reënbak en stroompies uit jou eie put.+
16 Moet jou fonteine dan buitenshuis versprei word,+ jou waterstrome op die openbare pleine?
17 Laat hulle vir jou alleen wees en nie vir vreemdelinge saam met jou nie.+
18 Laat jou waterbron geseënd wees,+ en verheug jou met die vrou van jou jeug,+
19 ’n lieflike takbokooitjie en ’n bekoorlike bergbokkie.+ Laat haar borste jou te alle tye bedwelm.+ Mag jy voortdurend met haar liefde in ekstase wees.+
20 Waarom sou jy dan, my seun, met ’n vreemde vrou in ekstase wees of die boesem van ’n uitlandse vrou omhels?+
21 Want die weë van die mens is voor die oë van Jehovah,+ en hy beskou al sy spore.+
22 Deur sy eie oortredings sal die goddelose gevang word,+ en in die toue van sy eie sonde sal hy vasgegryp word.+
23 Hy sal sterf omdat daar geen dissipline is nie+ en omdat hy in die oorvloed van sy dwaasheid afdwaal.+
