Die eerste boek van Kronieke 16:1-43
16 Toe het hulle die Ark van die ware God in die tent gesit wat Dawid daarvoor opgeslaan het,+ en hulle het brandoffers en vrede-offers* voor die ware God geoffer.+
2 Nadat Dawid die brandoffers+ en die vrede-offers*+ geoffer het, het hy die volk in die naam van Jehovah geseën.
3 En hy het aan al die Israeliete, aan elke man en vrou, ’n ronde brood, ’n dadelkoek en ’n rosynekoek gegee.
4 Toe het hy party van die Leviete aangestel om voor die Ark van Jehovah+ te dien en om Jehovah, die God van Israel, te eer,* te dank en te loof.
5 Asaf+ was die hoof, en Sagariʹa was tweede in bevel. En Jeïel, Semiʹramot, Jehiʹël,+ Mattitʹja, Eliʹab, Benaʹja, Obed-Edom en Jeïel het op harpe en ander snaarinstrumente gespeel,+ en Asaf het die simbale geslaan.+
6 En die priesters Benaʹja en Jahaʹsiël het heeltyd voor die ark van die verbond van die ware God op die trompette geblaas.
7 Op daardie dag het Dawid vir die eerste keer vir Asaf+ en sy broers gesê om ’n danklied vir Jehovah te sing wat hy gekomponeer het:
8 “Dank Jehovah,+ roep sy naam aan!
Maak sy dade onder die volke bekend!+
9 Sing vir hom, sing lofliedere* vir hom.+Dink na oor* al sy wonderlike werke.+
10 Spog oor sy heilige naam.+Laat die hart van almal wat Jehovah dien,* bly wees.+
11 Soek Jehovah+ en sy krag.
Soek altyd sy goedkeuring.+
12 Dink aan sy wonderlike dade,+sy wonderwerke en sy oordele,
13 o nageslag* van Israel, sy kneg,+o kinders van Jakob, dié wat hy uitgekies het.+
14 Hy is Jehovah ons God.+Sy oordele geld vir die hele aarde.+
15 Dink vir ewig aan sy verbond.
Dink tot in ’n duisend geslagte aan die belofte wat hy gemaak het,*+
16 die verbond wat hy met Abraham gemaak het,+en die eed wat hy aan Isak gesweer het.+
17 Hy het dit as ’n bevel vir Jakob vasgestel,+en as ’n permanente verbond vir Israel,
18 toe hy gesê het: ‘Ek sal vir jou die land Kanaän gee+as jou erfdeel.’+
19 Daar was toe min van julle,ja, baie min, en julle was uitlanders in die land.+
20 Hulle het van nasie tot nasie getrek,van een koninkryk na die ander.+
21 Hy het nie toegelaat dat enigiemand hulle onderdruk nie,+maar ter wille van hulle het hy konings tereggewys+
22 en gesê: ‘Moenie aan my gesalfdes raak nie,en moet niks slegs aan my profete doen nie.’+
23 Sing vir Jehovah, almal op aarde!
Maak dag ná dag sy redding bekend!+
24 Maak sy heerlikheid onder die nasies bekend,sy wonderlike werke onder al die volke.
25 Want Jehovah is groot en verdien al die eer.
Hy is ontsagwekkender as al die ander gode.+
26 Al die gode van die volke is waardelose gode,+maar Jehovah is die Een wat die hemel gemaak het.+
27 Hy is omring deur majesteit* en heerlikheid.+Krag en vreugde is in sy woonplek.+
28 Gee Jehovah wat hy verdien, o families van die volke,gee Jehovah wat hy verdien weens sy heerlikheid en krag.+
29 Gee Jehovah die eer wat sy naam verdien.+Bring ’n geskenk en kom na hom toe.+Buig voor Jehovah neer* in heilige klere.*+
30 Bewe voor hom, almal op aarde!
Die aarde* is stewig gevestig. Dit kan nie beweeg word* nie.+
31 Laat die hemel vreugdevol wees, en laat die aarde bly wees.+Verkondig onder die nasies: ‘Jehovah het Koning geword!’+
32 Laat die see en alles daarin dreun.
Laat die veld en alles daarin vreugdevol wees.
33 Laat die bome van die woud ook van vreugde voor Jehovah uitroep,want hy kom* om die aarde te oordeel.
34 Dank Jehovah, want hy is goed.+Sy lojale liefde duur vir ewig.+
35 Sê vir hom: ‘Red ons, o God van ons redding.+Maak ons bymekaar en red ons van die nasies,sodat ons u heilige naam kan prys+en u met vreugde kan loof.*+
36 Mag Jehovah, die God van Israel, geloof wordtot in alle ewigheid.’”
En die hele volk het gesê: “Amen!”* en het Jehovah geloof.
37 Dawid het Asaf+ en sy broers toe by die ark van die verbond van Jehovah agtergelaat om gereeld voor die Ark te dien,+ volgens die daaglikse roetine.+
38 Obed-Edom en sy broers – altesaam 68 – en Obed-Edom, die seun van Jeduʹtun, en Hosa was poortwagters.
39 En die priester Sadok+ en die ander priesters was voor die tabernakel van Jehovah op die offerhoogte in Giʹbeon+
40 om gereeld, in die oggend en in die aand, brandoffers aan Jehovah op die brandofferaltaar te offer en om alles te doen wat geskryf is in die Wet van Jehovah wat hy aan Israel gegee het.+
41 Saam met hulle was Heman en Jeduʹtun+ en die res van die manne wat by naam aangewys is om Jehovah te dank,+ want “sy lojale liefde duur vir ewig”.+
42 Heman+ en Jeduʹtun het saam met hulle musiek gemaak met die trompette, simbale en die ander instrumente wat gebruik is om die ware God mee te prys.* En die seuns van Jeduʹtun+ was by die poort.
43 Toe het die hele volk na hulle huise toe gegaan, en Dawid het almal in sy huis gaan seën.
Voetnote
^ Of “gemeenskapsoffers”.
^ Of “gemeenskapsoffers”.
^ Lett. “te onthou”.
^ Of “maak musiek”.
^ Of moontlik “Praat oor”.
^ Lett. “soek”.
^ Of “nakomelinge”. Lett. “saad”.
^ Lett. “aan die woord wat hy beveel het”.
^ Of “waardigheid”.
^ Of moontlik “as gevolg van die prag van sy heiligheid”.
^ Of “Aanbid Jehovah”.
^ Of “vrugbare land”.
^ Of “geskud word; wankel”.
^ Of “het gekom”.
^ Of “vreugdevol kan wees in u lof”.
^ Of “Laat dit so wees!”
^ Of “instrumente van die lied van die ware God gespeel”.
