Die eerste boek van Kronieke 9:1-44
9 Al die Israeliete is in die geslagsregisters opgeteken, en dit is in die Boek van die konings van Israel neergeskryf. En Juda is in ballingskap na Babilon weggeneem as gevolg van hulle ontrouheid.+
2 Die eerstes wat na hulle woonplekke in hulle stede teruggekeer het, was ’n aantal Israeliete, die priesters, die Leviete en die tempelknegte.*+
3 En party van die nakomelinge van Juda,+ Benjamin,+ Eʹfraim en Manasʹse het in Jerusalem gaan woon:
4 Utai, die seun van Ammiʹhud, die seun van Omri, die seun van Imri, die seun van Bani, van die nakomelinge van Peres,+ die seun van Juda.
5 Van die Siloniete: Asaʹja, die eersgeborene, en sy seuns.
6 Van die seuns van Serag:+ Jeüel en 690 van hulle broers.
7 Van die nakomelinge van Benjamin: Sallu, die seun van Mesulʹlam, die seun van Hodawʹja, die seun van Hassenuʹa,
8 Jibʹneja, die seun van Jeroʹham, Ela die seun van Ussi, die seun van Migri en Mesulʹlam, die seun van Sefatʹja, die seun van Reʹhuel, die seun van Jibʹnija.
9 Volgens die geslagsregisters was hulle broers altesaam 956. Al hierdie manne was hoofde van hulle vaderhuise.*
10 Van die priesters was daar Jedaʹja, Jojaʹrib, Jagin,+
11 Asarʹja, die seun van Hilkiʹa, die seun van Mesulʹlam, die seun van Sadok, die seun van Meʹrajot, die seun van Ahiʹtub, ’n leier van die huis* van die ware God,
12 Adaʹja, die seun van Jeroʹham, die seun van Pasgur, die seun van Malkiʹa, Masai die seun van Aʹdiël, die seun van Jagseʹra, die seun van Mesulʹlam, die seun van Mesilʹlemit, die seun van Immer,
13 en hulle broers, hoofde van die vaderhuise, 1 760 sterk, bekwame manne wat beskikbaar was om by die huis van die ware God te dien.
14 Van die Leviete was daar Semaʹja,+ die seun van Hassub, die seun van Asriʹkam, die seun van Hasabʹja, uit die nakomelinge van Meraʹri;
15 en Bakʹbakkar, Heres, Galal, Mattanʹja die seun van Miga, die seun van Sigri, die seun van Asaf,
16 Obadʹja, die seun van Semaʹja, die seun van Galal, die seun van Jeduʹtun, en Beregʹja, die seun van Asa, die seun van Elkaʹna, wat in die dorpe van die Netofatiete+ gewoon het.
17 Die poortwagters+ was Sallum, Akkub, Talmon, Ahiʹman, en hulle broer Sallum was die hoof,
18 wat tot op daardie tyd by die koning se poort aan die oostekant was.+ Hulle was die poortwagters van die kampe van die Leviete.
19 En Sallum, die seun van Kore, die seun van Ebjaʹsaf, die seun van Korag, en sy broers van sy vaderhuis, die Koragiete, het toesig gehou oor die diens van die deurwagters van die tent. En hulle voorvaders het as wagte van die ingang van die kamp van Jehovah gedien.
20 Vroeër was Piʹnehas,+ die seun van Eleaʹsar,+ hulle leier, en Jehovah was met hom.
21 Sagariʹa,+ die seun van Meselemʹja, was die poortwagter by die ingang van die tent van samekoms.
22 Daar was altesaam 212 manne wat gekies is om poortwagters by die ingange te wees. Hulle het gewoon in hulle dorpe volgens hulle inskrywing in die geslagsregister.+ Dawid en die siener Samuel+ het hulle aangestel omdat hulle betroubaar was.
23 Hulle en hulle seuns het die verantwoordelikheid gehad om as poortwagters van die tent, die huis van Jehovah, te dien.+
24 Die poortwagters het aan die vier kante gestaan – oos, wes, noord en suid.+
25 Van tyd tot tyd moes hulle broers vir sewe dae van hulle dorpe af kom om saam met hulle te dien.
26 Daar was vier hoofde* van die poortwagters, wat ’n baie verantwoordelike posisie gehad het. Hulle was Leviete, en hulle het toesig gehou oor die kamers* en oor die skatkamers van die huis van die ware God.+
27 Hulle het die hele nag op hulle pos gestaan reg rondom die huis van die ware God, want hulle moes wag hou. Die sleutel is ook aan hulle toevertrou, en hulle het die huis elke oggend oopgesluit.
28 Party van hulle was verantwoordelik vir die voorwerpe+ wat vir aanbidding gebruik is. Hulle het dit getel wanneer hulle dit ingebring het en wanneer hulle dit uitgeneem het.
29 Party van hulle was aangestel oor die voorwerpe, oor al die heilige voorwerpe,+ die fynmeel,+ die wyn,+ die olie,+ die wierook+ en die balsemolie.+
30 Party van die seuns van die priesters het die salf van balsemolie gemeng.
31 Mattitʹja van die Leviete, wat die eersgeborene was van Sallum, die Koragiet, was verantwoordelik vir alles wat in panne gebak is.+
32 Party van die Kehatiete, hulle broers, het die verantwoordelikheid gehad om die stapelbrode*+ elke sabbat voor te berei.+
33 Dit was die sangers, die hoofde van die vaderhuise van die Leviete. Hulle was in die kamers* en was vrygestel van ander pligte, want hulle moes dag en nag beskikbaar wees vir diens.
34 Hulle was die hoofde van die vaderhuise van die Leviete volgens hulle geslagslyn. Hulle was hoofmanne en het in Jerusalem gewoon.
35 Jeïel, die vader* van Giʹbeon, het in Giʹbeon+ gewoon. Sy vrou se naam was Maʹäga.
36 Sy seuns se name was Abdon, die eersgeborene, en Sur, Kis, Baäl, Ner, Nadab,
37 Gedor, Agjo, Sagariʹa en Miklot.
38 Miklot het die vader geword van Siʹmeam. En hulle, sowel as hulle ander broers, het almal naby hulle broers in Jerusalem gewoon.
39 Ner+ het die vader geword van Kis. Kis het die vader geword van Saul.+ Saul het die vader geword van Joʹnatan,+ Malkisua,+ Abinaʹdab+ en Esʹbaäl.
40 Die seun van Joʹnatan was Merib-Baäl.+ Merib-Baäl het die vader geword van Miga.+
41 Die seuns van Miga was Piton, Meleg, Tagreʹa en Agas.
42 Agas het die vader geword van Jara. Jara het die vader geword van Aleʹmet, Asmaʹwet en Simri. Simri het die vader geword van Mosa.
43 Mosa het die vader geword van Biʹnea. Biʹnea se seun was Refaʹja. Refaʹja se seun was Eleaʹsa. Eleaʹsa se seun was Asel.
44 Asel het ses seuns gehad, en hulle name was: Asriʹkam, Bogru, Isʹmael, Searʹja, Obadʹja en Hanan. Dit was die seuns van Asel.
Voetnote
^ Of “die Netinim”. Lett. “die gegewenes”.
^ Lett. “hoofde van vaders vir die huis van hulle vaders”.
^ Of “tempel”.
^ Of “eetkamers”.
^ Lett. “magtiges”.
^ D.w.s. die offerbrode.
^ Of “eetkamers”.
^ Sommige name in hierdie hoofstuk kan na plekke verwys eerder as na mense. In sulke gevalle beteken “vader” moontlik “stigter”.
