Amos 6:1-14
6 “Dit sal sleg gaan met dié in Sion wat selfversekerd* is,met dié wat veilig voel op die berg van Samariʹa,+die belangrike manne van die vernaamste volk,dié na wie die huis van Israel gaan!
2 Trek oor na Kalne en kyk.
Gaan daarvandaan na Groot-Hamat,+en gaan af na Gat van die Filistyne.
Is hulle beter as hierdie koninkryke,*of is hulle gebied groter as julle s’n?
3 Sit julle die rampspoedige dag uit julle gedagtes,+en bevorder julle geweld in die land?+
4 Julle lê op ivoorbeddens+ en strek julle op banke uit,+julle eet die ramme van die kudde en die vetgemaakte kalwers.*+
5 Julle maak liedjies om op die harp* te speel,+en soos Dawid maak julle musiekinstrumente.+
6 Julle drink bakke vol wyn,+en julle salf julle met die beste olies.
Maar julle bekommer julle nie oor die ondergang van Josef nie.+
7 Daarom sal julle eerste in ballingskap gaan.+
En die feeste van dié wat uitgestrek lê, sal tot ’n einde kom.
8 ‘Die Soewereine Heer Jehovah het by homself gesweer,’+ sê Jehovah, die God van die leërmagte:
‘“Ek verag die trots van Jakob,+ek haat sy versterkte torings,+en ek sal die stad en alles daarin oorlewer.+
9 “‘“En as daar tien manne in een huis oorbly, sal hulle ook sterf.
10 ’n Familielid* sal kom om hulle een vir een uit te dra en te verbrand. Hy sal hulle liggame* uit die huis uitbring. Dan sal hy vir wie ook al in die binnekamers van die huis is, vra: ‘Is daar nog by jou?’ En hy sal sê: ‘Daar is niemand!’ Dan sal hy sê: ‘Bly stil! Want dit is nie die tyd om die naam van Jehovah te noem nie.’”
11 Want dit is Jehovah wat die bevel gee,+en hy sal van die groot huis net rommel laat oorbly,en van die klein huis net stukke.+
12 Hardloop perde op ’n kransof sal iemand daar met beeste ploeg?
Want julle het geregtigheid in ’n gifplant verander,en die vrug van regverdigheid in als.*+
13 Julle is bly oor iets wat waardeloos is,en julle sê: “Het ons nie in ons eie krag sterk geword nie?”+
14 Daarom, o huis van Israel, sal ek ’n nasie teen jou laat kom,’+ sê Jehovah, die God van die leërmagte,‘en hulle sal julle onderdruk van Lebo-Hamat*+ af tot by die Vallei* van die Aʹraba.’”
Voetnote
^ Of “gerus”.
^ Verwys blykbaar na Juda en Israel.
^ Of “jong bulle”.
^ Of “snaarinstrument”.
^ Lett. “Sy pa se broer”.
^ Lett. “beendere”.
^ ’n Soort bitter plant.
^ Of “die ingang van Hamat”.
