Hooglied van Salomo 7:1-13
7 “Hoe pragtig is jou voete in jou sandale,o lieflike* dogter!
Die rondings van jou heupe is soos juwele,die werk van ’n ambagsman se hande.
2 Jou naeltjie is ’n ronde bak.
Mag gemengde wyn altyd daarin wees.
Jou maag is ’n hoop koring,omring met lelies.
3 Jou twee borste is soos twee lammers,die tweeling van ’n wildsbok.+
4 Jou nek+ is soos ’n ivoortoring.+
Jou oë+ is soos die poele in Hesbon,+by die poort van Bat-Rabbim.
Jou neus is soos die toring van die Liʹbanon,wat op Damaskus uitkyk.
5 Jou kop is soos die berg Karmel,+en die lokke van jou hare+ is soos pers wol.+
Die koning is bekoor deur jou golwende hare.
6 Hoe pragtig is jy, en hoe lieflik is jy,o geliefde meisie, jy is alles wat ’n mens kan begeer!
7 Jou gestalte is soos ’n palmboom,en jou borste soos dadeltrosse.+
8 Ek het gesê: ‘Ek sal teen die palmboom opklim,en sy vrugte pluk.’
Mag jou borste soos druiwetrosse wees,en jou asem soos die geur van appels,
9 en jou mond* soos die beste wyn.”
“Mag dit vir my geliefde glad na binne gly,saggies vloei oor die lippe van dié wat slaap.
10 Ek is my geliefde s’n,+en hy smag na my.
11 Kom, my geliefde,laat ons uitgaan na die veld,laat ons tussen die hennaplante+ oornag.
12 Laat ons vroeg opstaan en na die wingerde gaan,om te sien of die wingerdstok uitgespruit het,of die bloeisels oopgegaan het,+of die granaatbome bloeisels het.+
Daar sal ek jou verseker van my liefde vir jou.+
13 Die liefdesappels+ versprei hulle geur.
By ons deure is daar allerhande heerlike vrugte.+
Die nuwes sowel as die oues
het ek vir jou gebêre, o my geliefde.
