Jesaja 35:1-10
35 Die wildernis en die dorre land sal juig,+en die woestyn sal vreugdevol en vol blomme wees.*+
2 Dit sal vir seker vol bloeisels wees.+
Dit sal bly wees en uitroep van vreugde.
Die heerlikheid van die Liʹbanon sal daaraan gegee word,+die prag van Karmel+ en van Saron.+
Hulle sal die heerlikheid van Jehovah sien, die prag van ons God.
3 Versterk dié wie se hande slap hang,en maak die knieë wat bewe, sterk.+
4 Sê vir dié wat in hulle hart angstig is:
“Wees sterk. Moenie bang wees nie.
Kyk! Julle God sal kom om wraak te neem.
God sal kom om te straf.+
Hy sal julle kom red.”+
5 Dan sal die oë van die blindes kan sien,+en die ore van die dowes sal kan hoor.+
6 Dan sal die kreupele soos ’n takbok spring,+en die tong van die stomme sal van vreugde uitroep.+
Want waters sal in die wildernis vloei,en strome in die woestyn.
7 Die kurkdroë grond sal verander in ’n poel vol riete,en die dorre land in waterfonteine.+
In die plek waar jakkalse gelê het,+sal daar groen gras, riete en papirusplante wees.
8 En daar sal ’n grootpad wees,+ja, ’n weg wat die Weg van Heiligheid genoem word.
Die onreine sal nie daarop reis nie.+
Dit is net vir die een wat die weg volg.
Geen dwaas sal daarop beland nie.
9 Daar sal geen leeuen geen gevaarlike wilde diere daarop wees nie.
Hulle sal nie daar gevind word nie.+
Net dié wat teruggekoop is, sal daarop loop.+
10 Dié wat deur Jehovah losgekoop is, sal terugkeer+ en met gejuig na Sion kom.+
Hulle sal eindelose vreugde geniet.*+
Hulle sal vol blydskap en vreugde wees,en hartseer en swaarkry sal verdwyn.+
Voetnote
^ Of “vreugdevol wees en blom soos die saffraan”.
^ Of “Eindelose vreugde sal hulle kroon wees”.
