Jesaja 49:1-26
49 Luister na my, o eilande,
en skenk aandag, o nasies wat ver weg is.+
Voor my geboorte het Jehovah my geroep.+
Toe ek nog in die baarmoeder was, het hy my naam genoem.
2 Hy het my mond soos ’n skerp swaard gemaak.
In die skaduwee van sy hand het hy my beskerm.+
Hy het my ’n skerp pyl gemaak.
Hy het my in sy pylkoker weggesteek.
3 Hy het vir my gesê: “Jy is my kneg, o Israel.+
Deur middel van jou sal ek my prag vertoon.”+
4 Maar ek het gesê: “Ek het verniet hard gewerk.
Ek het my krag verniet opgebruik vir iets wat niks beteken nie.
Maar Jehovah sal my beslis oordeel,*en my God sal my beloon.”*+
5 En nou het Jehovah, die Een wat my gevorm het om sy kneg te wees toe ek nog in die baarmoeder was,vir my gesê dat ek Jakob na hom toe moet terugbring,sodat Israel by hom versamel kan word.+
Ek sal verheerlik word in die oë van Jehovah,en my God sal dan my sterkte wees.
6 En hy het gesê: “Jy, my kneg,sal nie net die stamme van Jakob herstelen die Israeliete wat gespaar is, terugbring nie.
Ek het jou ook as ’n lig vir die nasies gegee,+sodat my redding die eindes van die aarde kan bereik.”+
7 Dít is wat Jehovah, die Terugkoper van Israel, die Heilige van Israel,+ vir die een sê waarop daar neergesien word+ en wat deur die nasie gehaat word, vir die kneg van heersers:
“Konings sal dit sien en opstaan,en leiers sal neerbuigweens Jehovah, wat getrou is,+weens die Heilige van Israel,+ wat jou uitgekies het.”
8 Dít is wat Jehovah sê:
“In ’n gunstige tyd het ek jou geantwoord,+en in ’n dag van redding het ek jou gehelp.+
Ek het jou heeltyd beskerm, sodat ek jou as ’n verbond vir die volk kan gee,+om die land te herstel,om hulle verwoeste erfdele aan hulle terug te gee,+
9 om vir die gevangenes te sê: ‘Gaan uit!’+
en vir dié in die duisternis:+ ‘Kom uit!’
Hulle sal langs die paaie wei,en hulle weiveld sal langs al die uitgetrapte paaie* wees.
10 Hulle sal nie honger of dors wees nie,+en die verskroeiende hitte en die son sal hulle nie brand nie.+
Want die Een wat genade aan hulle betoon, sal hulle lei,+en hy sal hulle na waterfonteine bring.+
11 Ek sal al my berge in paaie verander,en my grootpaaie sal verhoog word.+
12 Kyk! Hulle kom van ver af,+en kyk! Party kom uit die noorde en uit die weste,en ander kom uit die land Sinim.”+
13 Roep uit van vreugde, o hemele, en wees bly, o aarde.+
Laat die berge vrolik word met uitroepe van vreugde.+
Want Jehovah het sy volk vertroos,+en hy betoon genade aan dié wat swaarkry.+
14 Maar Sion het bly sê:
“Jehovah het my verlaat,+ en Jehovah het my vergeet.”+
15 Kan ’n vrou haar eie baba vergeeten haar nie ontferm oor haar kind aan wie sy geboorte gegee het nie?
Selfs al sou ’n vrou haar kind vergeet, sal ek jou nooit vergeet nie.+
16 Kyk! Ek het jou op my palms gegraveer.
Jou mure is heeltyd voor my.
17 Jou seuns is vinnig op pad terug.
Dié wat jou afgebreek en verwoes het, sal van jou af weggaan.
18 Kyk rondom jou.
Hulle kom almal bymekaar.+
Hulle kom na jou toe.
“So waar as wat ek lewe,” sê Jehovah,“hulle almal sal vir jou soos versierings wees,en jy sal hulle dra soos ’n bruid versierings dra.
19 Hoewel jou plekke verwoes en verlate was en jou land ’n woesteny was,+sal dit nou te klein word vir die mense wat daar woon,+en dié wat jou verwoes het,+ sal ver weg wees.+
20 Dié wat gebore is nadat jy jou kinders verloor het, sal in jou teenwoordigheid sê:
‘Hierdie plek is te klein vir my.
Maak vir my plek om in te woon.’+
21 En jy sal wonder:
‘Wie se kinders het ek gekry?
Want ek is ’n vrou wat my kinders verloor het en wat onvrugbaar is.
Ek is gevange geneem en was in ballingskap.
Wie het hulle grootgemaak?+
Ek het alleen agtergebly.+
Waar kom hulle dan vandaan?’”+
22 Dít is wat die Soewereine Heer Jehovah sê:
“Ek sal my hand lig sodat die nasies dit kan sien,en ek sal my banier* vir die volke oprig.+
Hulle sal jou seuns in hulle arms bringen jou dogters op hulle skouers dra.+
23 Konings sal jou oppassers word,+en hulle prinsesse sal jou versorg.
Hulle sal voor jou neerbuig met hulle gesigte na die grond toe+en onderdanig wees aan jou,*+en jy sal moet weet dat ek Jehovah is.
Dié wat op my hoop, sal nie teleurgestel word nie.”+
24 Kan dié wat reeds gevange geneem is, van ’n sterk man afgeneem word,of kan die gevangenes van die onderdrukker gered word?
25 Maar dít is wat Jehovah sê:
“Selfs die gevangenes van ’n sterk man sal weggeneem word,+en dié wat deur die onderdrukker gevange geneem is, sal gered word.+
Ek sal dié teëstaan wat jou teëstaan,+en ek sal jou kinders red.
26 Ek sal dié wat jou sleg behandel, hulle eie vlees laat eet,en hulle sal van hulle eie bloed dronk word soos van soet wyn.
En alle mense sal moet weet dat ek Jehovah is,+jou Redder+ en jou Terugkoper,+die Magtige van Jakob.”+
Voetnote
^ Of “Jehovah sal my geregtigheid gee”.
^ Of “my loon is by God”.
^ Of moontlik “kaal heuwels”.
^ Of “seinpaal”.
^ Lett. “en die stof van jou voete oplek”.
