Jesaja 63:1-19
63 Wie is dit wat daar uit Edom kom,+uit Bosra+ met helder* klere aan,met pragtige klere aan,wat met groot mag aankom?
“Dit is ek, die Een wat met regverdigheid praat,die Een wat groot mag het om te red.”
2 Hoekom is u klere rooi,en hoekom is u klere soos dié van iemand wat die wynpers trap?+
3 “Ek het die wynpers alleen getrap.
Niemand uit die volke was by my nie.
Ek het hulle in my woede bly trap.
Ek het hulle bly vertrap in my groot woede.+
Hulle bloed het op my klere gespat,en ek het al my klere gevlek.
4 Want die dag van wraak is in my hart,+en die jaar van dié wat ek terugkoop, het gekom.
5 Ek het rondgekyk, maar daar was niemand om te help nie.
Ek was geskok dat niemand hulp aangebied het nie.
Daarom het my eie arm redding* gebring,+en my woede het my beweeg om op te tree.
6 Ek het volke in my woede vertrap.
Ek het hulle dronk gemaak met my woede+en hulle bloed op die grond laat uitloop.”
7 Ek sal praat oor Jehovah se dade van lojale liefde,die dade van Jehovah, wat lof verdien,want Jehovah het so baie vir ons gedoen.+
Hy het soveel goeie dinge vir die huis van Israel gedoenweens sy genade en sy groot lojale liefde.
8 Want hy het gesê: “Hulle is beslis my volk, kinders wat nie dislojaal sal wees nie.”+
Daarom het hy hulle Redder geword.+
9 Wanneer dit sleg gegaan het met hulle, het hy saam met hulle gely.+
En sy persoonlike boodskapper* het hulle gered.+
Omdat hy vir hulle lief was en vir hulle jammer gevoel het, het hy hulle teruggekoop,+en hy het hulle altyd opgetel en gedra.+
10 Maar hulle het in opstand gekom+ en sy heilige gees bedroef.+
Toe het Hy hulle vyand geword,+en hy het teen hulle geveg.+
11 En hulle het aan die dae van lank gelede gedink,die dae van sy kneg Moses:
“Waar is die Een wat hulle deur die see gelei het+ saam met die herders van sy kudde?+
Waar is die Een wat Sy heilige gees in hom geplaas het,+
12 die Een wat Moses* met Sy groot mag* gelei het,+die Een wat die waters voor hulle verdeel het+om vir hom ’n ewige naam te maak,+
13 die Een wat hulle deur die onstuimige waters* laat trek het,sodat hulle soos ’n perd in die oop veld*geloop het sonder om te struikel?
14 Die gees van Jehovah het hulle laat rus+soos wanneer die kudde na die vallei gaan.”
So het u u volk geleiom vir u ’n glorieryke* naam te maak.+
15 Kyk af uit die hemel.
Kyk vanuit u verhewe woning van heiligheid en heerlikheid.*
Waar is u ywer en u mag,u diep medelye*+ en genade?+
U weerhou dit van my.
16 Want u is ons Vader.+
Hoewel Abraham ons dalk nie ken nieen Israel ons moontlik nie erken nie,is u, o Jehovah, ons Vader.
U naam is: Ons Terugkoper van lank gelede.+
17 Hoekom, o Jehovah, laat u ons van u weë afdwaal?
Hoekom laat u ons hart ongevoelig word, sodat ons u nie vrees nie?+
Keer terug ter wille van u knegte,die stamme van u erfdeel.+
18 U heilige volk het dit vir ’n kort rukkie besit.
Ons teenstanders het u heiligdom vertrap.+
19 Ons is al te lank soos mense oor wie u nooit regeer het nie,soos mense wat nooit u naam gedra het nie.
Voetnote
^ Of moontlik “helderrooi”.
^ Of “oorwinning”.
^ Of “die engel van sy teenwoordigheid”.
^ Lett. “die regterhand van Moses”.
^ Of “glorieryke arm”.
^ Of “diep waters”.
^ Of “wildernis”.
^ Of “pragtige”.
^ Of “prag”.
