Jesaja 65:1-25
65 “Ek het my aan dié geopenbaar wat nie oor my gevra het nie.
Ek het my laat vind deur dié wat my nie gesoek het nie.+
Ek het gesê: ‘Hier is ek, hier is ek!’ vir ’n nasie wat nie my naam aangeroep het nie.+
2 Ek het my hande die hele dag deur uitgestrek na ’n hardkoppige volk,+na dié wat op die verkeerde weg is,+wat hulle eie gedagtes volg,+
3 ’n volk wat my heeltyd in my gesig beledig,+wat in die tuine+ offerandes bring en op bakstene offerrook laat opgaan.
4 Hulle sit tussen die grafte,+en hulle bring die nag in geheime plekke* deuren eet varkvleis.+
En die sous van walglike* dinge is in hulle houers.+
5 Hulle sê: ‘Bly waar jy is. Moenie nader kom nie,want ek is heiliger as jy.’*
Hulle is soos rook in my neusgate, ’n vuur wat die hele dag brand.
6 Kyk! Dit staan voor my geskryf.
Ek sal nie stilstaan nie,maar ek sal hulle hulle verdiende loon gee.+
Ek sal hulle die volle straf gee
7 vir hulle oortredings en vir die oortredings van hulle voorvaders,”+ sê Jehovah.
“Hulle het offerrook op die berge laat opgaanen my op die heuwels beledig.+
Die eerste ding wat ek dus sal doen, is om hulle hulle verdiende loon te gee.”
8 Dít is wat Jehovah sê:
“Dit is soos wanneer ’n tros druiwe gevind word waarmee nuwe wyn gemaak kan worden iemand sê: ‘Moet dit nie vernietig nie, want daar is iets goeds* daarin.’
Ek sal dieselfde vir my knegte doen.
Ek sal hulle nie almal vernietig nie.+
9 Ek sal uit Jakob ’n nageslag* voortbring,en uit Juda die een wat my berge sal erf.+
Dié wat ek uitgekies het, sal dit in besit neem,en my knegte sal daar woon.+
10 Saron+ sal ’n weiveld vir skape word,en die Agor-vallei+ ’n rusplek vir beeste,vir my volk wat my soek.
11 Maar julle het Jehovah verlaat.+
Julle het my heilige berg vergeet.+
Julle het ’n tafel vir die Geluksgod gedeken bekers gemengde wyn vir die god van die Noodlot geskink.
12 Daarom sal ek seker maak dat die swaard julle tref,+en julle sal almal buig om geslag te word,+want ek het geroep, maar julle het nie geantwoord nie,en ek het gepraat, maar julle het nie geluister nie.+
Julle het bly doen wat sleg is in my oë,en julle het dinge gekies waarvan ek niks hou nie.”+
13 Daarom sê die Soewereine Heer Jehovah:
“Kyk! My knegte sal eet, maar julle sal honger ly.+
My knegte sal drink,+ maar julle sal dors wees.
My knegte sal vreugdevol wees,+ maar julle sal skaam kry.+
14 My knegte sal vreugdevol uitroep weens die vreugde in hulle hart,*maar julle sal uitroep weens die pyn in julle hart,en julle sal huil weens ’n gebroke gees.
15 Julle sal ’n naam agterlaat wat as ’n vloek gebruik sal word deur dié wat ek uitgekies het.
En die Soewereine Heer Jehovah sal elkeen van julle doodmaak,maar hy sal sy eie knegte ’n ander naam gee,+
16 sodat elkeen op die aarde wat vir homself ’n seën soek,deur die God van waarheid* geseën sal word,en sodat elkeen op die aarde wat ’n eed sweer,by die God van waarheid* sal sweer.+
Want die moeilikhede van die verlede sal vergete wees.
Ek sal dit nie meer sien nie.+
17 Want kyk, ek skep nuwe hemele en ’n nuwe aarde,+en daar sal nie aan die vorige dinge gedink word* nie,en dit sal ook nie in die hart opkom nie.+
18 Wees dus vreugdevol en wees vir ewig bly oor wat ek skep.
Want kyk, ek maak Jerusalem iets om oor bly te weesen haar volk iets om oor vreugdevol te wees.+
19 En ek sal bly wees oor Jerusalem en vreugdevol wees oor my volk.+
’n Gehuil of ’n geroep om hulp sal nie meer in haar gehoor word nie.”+
20 “Daar sal nie meer ’n baba wees wat net ’n paar dae lewe nie,en ook nie ’n ou man wat nie sy jare uitleef nie,want iemand wat sterf wanneer hy 100 jaar oud is, sal as ’n blote kind beskou word,en die sondaar sal vervloek word, al is hy 100 jaar oud.*
21 Hulle sal huise bou en daarin woon,+en hulle sal wingerde plant en die vrugte daarvan eet.+
22 Hulle sal nie huise bou sodat ander daarin woon nie,en hulle sal nie plant sodat ander dit eet nie.
Want die dae van my volk sal wees soos die dae van ’n boom,+en dié wat ek uitgekies het, sal die werk van hulle hande ten volle geniet.
23 Hulle sal nie verniet hard werk nie,+en hulle kinders sal nie rampspoed ondervind nie,want hulle en hulle kindersis die nageslag*+ wat deur Jehovah geseën is.+
24 Nog voordat hulle uitroep, sal ek antwoord.
Terwyl hulle nog praat, sal ek hoor.
25 Die wolf en die lam sal saam wei.
Die leeu sal strooi eet net soos die bul,+en die slang sal stof eet.
Hulle sal niemand seermaak of enige skade aanrig op my hele heilige berg nie,”+ sê Jehovah.
Voetnote
^ Of moontlik “in hutte vir wagte”.
^ Of “onrein”.
^ Of moontlik “want ek sal my heiligheid aan jou oordra”.
^ Lett. “’n seën”.
^ Lett. “saad”.
^ Of “goeie toestand van die hart”.
^ Of “getrouheid”. Lett. “amen”.
^ Of “getrouheid”. Lett. “amen”.
^ Of “en die vorige dinge sal nie onthou word”.
^ Of moontlik “en iemand wat nie 100 word nie, sal as vervloek beskou word”.
^ Lett. “saad”.
