Job 20:1-29
20 Sofar,+ die Naämatiet, het toe geantwoord:
2 “Ek kan my gevoelens nie meer inhou nie. Ek moet iets sê,want ek is baie ontsteld.
3 Ek het ’n teregwysing gehoor wat my beledig.
En weens die insig wat ek het, moet ek eenvoudig antwoord.
4 Jy weet tog sekerlik:
Vandat die mens* op die aarde geplaas is,+
5 het die blydskap van slegte mense nie lank gehou nieen was die vreugde van die goddeloses* van korte duur.+
6 Al styg sy grootheid tot in die hemelen al raak sy kop aan die wolke,
7 sal hy vir ewig vergaan soos sy eie ontlasting.
Dié wat hom gewoonlik gesien het, sal vra: ‘Waar is hy?’
8 Hy sal wegvlieg soos ’n droom, en hulle sal hom nie vind nie.
Hy sal verdwyn soos ’n visioen in die nag.
9 Die oog wat hom voorheen gesien het, sal hom nie weer sien nie,en ook sy woonplek sal hom nie weer sien nie.+
10 Sy kinders sal die goedkeuring van die armes soek,en met sy eie hande sal hy sy rykdom teruggee.+
11 Hy was vol jeugdige krag,maar dit sal verdwyn wanneer hy in die stof gaan lê.
12 As slegte dinge soet smaak in sy monden hy dit onder sy tong wegsteek,
13 as hy die smaak daarvan geniet en dit nie uitspoeg nie,maar dit in sy mond hou,
14 sal sy kos suur word in sy maag.
Dit sal soos die gif* van kobras in hom word.
15 Hy het rykdom ingesluk, maar hy sal dit opgooi.
God sal sorg dat hy dit opbring.
16 Die gif van kobras sal hy drink.
Die giftande* van ’n adder sal hom doodmaak.
17 Hy sal nooit strome wateren ’n oorvloed van heuning en botter geniet nie.
18 Hy sal sy besittings teruggee voordat hy dit kan gebruik.
Hy sal handel dryf, maar hy sal nie die rykdom wat hy verkry het, geniet nie.+
19 Want hy het die armes onderdruk en hulle nie gehelp nie.
Hy het ’n huis gevat wat hy nie gebou het nie.
20 Maar hy sal nie innerlike vrede hê nie.
Sy rykdom sal hom nie red nie.
21 Daar het niks oorgebly wat hy kan vat nie.
Daarom sal sy rykdom nie hou nie.
22 Wanneer hy baie rykdom het, sal angstigheid hom inhaal.
Die ergste probleme sal hom tref.
23 Terwyl hy eet,sal God Sy brandende woede teen hom stuuren dit soos reën op hom laat val.
24 Wanneer hy vir ysterwapens vlug,sal pyle van ’n koperboog hom tref.
25 Hy trek ’n pyl uit sy rug,’n glinsterende wapen uit sy ingewande,en vrees oorval hom.+
26 Die duisternis wag op sy skatte.
’n Vuur wat niemand aangeblaas het nie, sal hom verteer.
Rampspoed wag op enige oorlewendes in sy tent.
27 Die hemel sal sy sonde blootlê.
Die aarde sal teen hom in opstand kom.
28 Vloedwater sal sy huis wegspoel.
Daar sal ’n stortvloed wees op die dag van God se woede.
29 Dit is die goddelose mens se deel wat van God af kom,die erfdeel wat God hom gee.”
