Job 33:1-33
33 “Maar luister asseblief nou na my woorde, Job.
Luister na alles wat ek sê.
2 Ek moet my mond oopmaak.
Ek* moet praat.
3 My woorde kom uit my hart,+en ek sê met opregtheid wat ek weet.
4 Die gees van God het my gemaak,+en die asem van die Almagtige het my lewend gemaak.+
5 Antwoord my as jy kan.
Wees gereed om jou saak te stel.
6 Kyk! Voor die ware God is ek net soos jy.
Ek is ook van klei gemaak.+
7 Daarom hoef jy nie vir my bang te wees nie.
Ek gaan dit nie vir jou moeilik maak nie.
8 Maar jy het voor my gesê,ja, ek het hierdie woorde bly hoor:
9 ‘Ek is suiwer, ek het nie gesondig nie.+
Ek is rein, ek het niks verkeerds gedoen nie.+
10 Maar God vind redes om my teë te staan.
Hy beskou my as sy vyand.+
11 Hy sit my voete in die blok.
Hy ondersoek al my paaie.’+
12 Maar wat jy sê, is nie reg nie, en daarom sal ek jou antwoord:
God is baie groter as ’n blote mens.+
13 Hoekom kla jy teen Hom?+
Is dit omdat hy jou nie geantwoord het op alles wat jy gesê het nie?+
14 Want God praat herhaaldelik,maar niemand skenk aandag nie.
15 Hy doen dit in ’n droom, ’n visioen in die nag,+wanneer mense diep slaap,wanneer hulle vas slaap op hulle bed.
16 Dan maak hy hulle ore oop+en beklemtoon hy* sy instruksies,
17 om ’n mens van verkeerde dade weg te hou+en hom teen trots te beskerm.+
18 God red sy siel* van die dood+en keer dat hy deur die swaard* doodgemaak word.
19 ’n Mens kan ook tereggewys word deur pyn op sy siekbeden deur konstante pyn in sy liggaam.
20 Dit laat hom sy eetlus verloor,en hy wil nie eers die lekkerste kos eet nie.+
21 Hy word so maerdat sy bene begin uitsteek.
22 Sy siel* is op pad na die graf toe.
Sy lewe is op pad na dié wat die dood bring.
23 As daar ’n boodskapper* na hom toe kom,een uit ’n duisend wat hom kan verdedigen vir hom kan sê wat reg is,
24 dan betoon God genade aan hom en sê hy:
‘Red hom van die graf!+
Ek het ’n losprys gevind!+
25 Laat sy liggaam gesonder* word as toe hy jonk was.+
Laat hy die krag terugkry wat hy as ’n jongmens gehad het.’+
26 Hy sal God smeek.+ God sal hom aanvaar,en hy sal met vreugde voor Hom verskyn.
God sal hom weer ’n regverdige posisie gee.
27 Daardie persoon sal vir mense sê:
‘Ek het gesondig;+ en ek het gedoen wat verkeerd is,maar ek het nie ontvang wat ek verdien het nie.*
28 Hy het my siel* losgekoop en my gered van die graf,+en ek sal die lig bly sien.’
29 Ja, God doen al hierdie dinge vir ’n mens,selfs twee of drie keer,
30 om hom van die graf te red,sodat hy die lewe kan geniet.+
31 Skenk aandag, Job! Luister na my!
Bly stil, en ek sal verder praat.
32 As jy iets wil sê, sê dit vir my.
Praat, want ek wil bewys dat jy reg is.
33 As jy niks het om te sê nie, luister dan na my.
Bly stil, en ek sal jou wysheid leer.”
Voetnote
^ Lett. “My tong saam met my verhemelte”.
^ Lett. “druk hy ’n seël op”.
^ Of “lewe”.
^ Of “met ’n wapen”.
^ Of “lewe”.
^ Of “engel”.
^ Lett. “vlees frisser”.
^ Of moontlik “en dit was nie tot my voordeel nie”.
^ Of “lewe”.
